影片
更多
2024-05-26
557 浏览
工作左成个礼拜咁辛苦，周末梗系要揾个地方放松吓朋友就介绍呢间 。平时嚟尖沙咀都会经过,以为佢只系一间睇波嘅酒吧，不过原来楼上别有洞天。环境够靓之余，仲有live Band听！ （小编唔记得啲嘢食嘅价钱，以下价钱系喺op 睇人啲图揾返嚟，唔updated 请告知🙇🏻）【饮品】其实呢度本身有唔少特色嘅调酒，不过因为小编阵间要揸巴士，所以唔方便饮酒精饮品。➡️香奈小姐 $78Mango Puree | Lime Juice | Yogurt | Taiwan Oolong而家嘅主要系酸酸甜甜嘅味道，主要系芒果味，好有热带风情，茶味唔算重，都系几开胃嘅一个饮品。味道：7.5/10➡️乜春 $78Cranberry juice| Rose syrup | Dash df Lychee juice | Lime Cardinal | Lime Juice呢个嘅味道比较女仔，味道上会比较酸同饮唔到玫瑰嘅香味。小编都几钟意呢杯，有过果香有花香。味道：8/10 【食物】➡️ 63度温泉蛋八瓜鱼冰菜沙律 呢个都算系今日嘅MVP，冰菜嘅沙律非常少见，但原来做沙律真系几好食，特别清新爽脆。另外仲会答会慢煮八爪鱼经
工作左成个礼拜咁辛苦，周末梗系要揾个地方放松吓朋友就介绍呢间 。平时嚟尖沙咀都会经过,以为佢只系一间睇波嘅酒吧，不过原来楼上别有洞天。环境够靓之余，仲有live Band听！
（小编唔记得啲嘢食嘅价钱，以下价钱系喺op 睇人啲图揾返嚟，唔updated 请告知🙇🏻）
【饮品】
其实呢度本身有唔少特色嘅调酒，不过因为小编阵间要揸巴士，所以唔方便饮酒精饮品。
➡️香奈小姐 $78
Mango Puree | Lime Juice | Yogurt | Taiwan Oolong
而家嘅主要系酸酸甜甜嘅味道，主要系芒果味，好有热带风情，茶味唔算重，都系几开胃嘅一个饮品。
味道：7.5/10
➡️乜春 $78
Cranberry juice| Rose syrup | Dash df Lychee juice | Lime Cardinal | Lime Juice
呢个嘅味道比较女仔，味道上会比较酸同饮唔到玫瑰嘅香味。小编都几钟意呢杯，有过果香有花香。
味道：8/10
【食物】
➡️ 63度温泉蛋八瓜鱼冰菜沙律
呢个都算系今日嘅MVP，冰菜嘅沙律非常少见，但原来做沙律真系几好食，特别清新爽脆。另外仲会答会慢煮八爪鱼经过慢煮嘅八爪鱼完全唔会过韧，加埋车厘茄同提子味道 ，以日式胡麻汁同温泉蛋做dressing，非常开胃。
唔怪得店员话自从推出咗呢个沙律，其他沙律基本上冇乜人叫。🤣🤣🤣
味道：9/10
➡️ 巴塞隆拿脆薯粒配流心蛋及辣肉肠粒伴36个月橡果饲黑毛猪火腿$138
呢个非常之适合送酒，佢系大量芝士焗制嘅薯粒同Ham，再配上温泉蛋。薯仔老老实实冇乜特别，但配埋佢𠮶啲ham就非常好食，因为佢嘅火腿除咗有足够油香之外，仲食到隐隐约约嘅橡果香，加埋芝士同蛋汁，非常邪恶。
味道：8.3/10
➡️ 北海道珍宝带子XO汁扁意粉 $228
佢嘅意粉系蒜油做底，然后加咗唔少嘅XO酱煮成。味道非常惹味，意粉嘅软硬度适中。北海道带子非常软嫩，系特别又好食嘅意粉。
味道：8.6/10
➡️ 香烤招牌黄油鸡$288
➡️ ＋原锅烧黄油鸡饭＋$78
据店员所讲，呢个系佢哋嘅招牌之一。烧好嘅黄油鸡会喺客人面前用火枪再烧一次，确保个外皮脆卜卜，同时亦会将一啲RoseMary嘅味道熏入去。
黄油鸡嘅外皮确实薄脆，唔会有多余嘅油分，肉质唔算嫩滑，毕竟始终系烧鸡，但亦唔系干柴。油饭嘅味道非常香口，满满嘅鸡油香，而且非常大份。不过因为系最尾嘅一道菜，小编饱饱地，所以会觉得有少少腻🤧🤣，建议可以多啲人share，但味道、视觉上可以明白点解佢系招牌。
味道：8.2/10
服务：9/10
环境：8.6/10
抵食：8/10
人均：六百几
你话佢系咪好抵食又唔算系，但计埋佢嘅食物质素同埋环境服务，仲有Live Band 听，个人觉得收费算系合理。
张贴
