影片
更多
2023-02-07
1158 浏览
之前一直都想试乐天皇朝嘅八色小笼包，今次终于亲自一尝，乐天皇朝系专门食上海菜嘅中菜馆，由新加坡著名嘅樂天餐饮集团创办，分店遍布世界多地唔同角落，香港亦有五间分店，今次去咗位于铜锣湾利舞台6楼嘅乐天皇朝，够方便就脚。中菜馆好有格调，古色古香，中间有一个仿荷花池嘅中国宫廷风庭园设计，场内播住中乐，环境尽显中式气派。近门口有个半开放式厨房可以见到一班师傅包紧小笼包，证明小笼包时刻新鲜制作，货如轮转。另外座位好阔落，坐得好舒服，好适合一家大细去聚餐。上菜之前，会先壶普洱茶，同埋花生栗子作为前菜。特色皇朝小笼包-八色小笼包系中菜馆嘅得奖名菜，见到唔同枱嘅客人都会点小笼包。八色小笼包卖相色彩缤纷，每只小笼包都有唔同嘅味道，分别有招牌原味、糟溜丝瓜、鹅肝、黑松露、芝士、蟹粉、蒜香、川味。枱上有餐牌介绍食客由原味小笼包开始按顺序食，最后食到四川嘅麻辣味，由淡味至浓味，全部都皮薄多汁，咬落汤汁饱满，猪肉味浓，好特别。最特别同浓味嘅小笼包系鹅肝味，带有鹅油香，同猪肉咸香几夹；黑松露味嘅松露菌香随着汤汁喺口入边徘徊，令人齿颊留香；川味辣辣地，带有椒麻味道，另外小笼包加埋姜丝同醋一齐食，更加提鲜，令到味道更丰
之前一直都想试乐天皇朝嘅八色小笼包，今次终于亲自一尝，乐天皇朝系专门食上海菜嘅中菜馆，由新加坡著名嘅樂天餐饮集团创办，分店遍布世界多地唔同角落，香港亦有五间分店，今次去咗位于铜锣湾利舞台6楼嘅乐天皇朝，够方便就脚。中菜馆好有格调，古色古香，中间有一个仿荷花池嘅中国宫廷风庭园设计，场内播住中乐，环境尽显中式气派。近门口有个半开放式厨房可以见到一班师傅包紧小笼包，证明小笼包时刻新鲜制作，货如轮转。另外座位好阔落，坐得好舒服，好适合一家大细去聚餐。上菜之前，会先壶普洱茶，同埋花生栗子作为前菜。
特色皇朝小笼包-八色小笼包系中菜馆嘅得奖名菜，见到唔同枱嘅客人都会点小笼包。八色小笼包卖相色彩缤纷，每只小笼包都有唔同嘅味道，分别有招牌原味、糟溜丝瓜、鹅肝、黑松露、芝士、蟹粉、蒜香、川味。枱上有餐牌介绍食客由原味小笼包开始按顺序食，最后食到四川嘅麻辣味，由淡味至浓味，全部都皮薄多汁，咬落汤汁饱满，猪肉味浓，好特别。最特别同浓味嘅小笼包系鹅肝味，带有鹅油香，同猪肉咸香几夹；黑松露味嘅松露菌香随着汤汁喺口入边徘徊，令人齿颊留香；川味辣辣地，带有椒麻味道，另外小笼包加埋姜丝同醋一齐食，更加提鲜，令到味道更丰富。
扬州炒饭
扬州炒饭呈现金黄色泽，饭粒粒粒分明，蛋白蛋黄夹杂喺米粒之间，入口软嫩，蛋香味十足，上面嘅鲜虾味道鲜美，口感弹牙，配上叉烧火腿，味道丰富，加上翠绿嘅青葱同埋菜作点缀，食落几爽脆，食到碟底炒饭都唔会油腻，感觉健康。
鲜虾猪肉云吞猪骨汤拉面
拉面用上白色上海幼面，面质爽口弹牙，云吞大大粒，内里鲜虾肉质鲜美弹牙。汤底奶白色，全无味精，用咗猪骨汤熬制而成，饮落有香浓嘅猪骨汤味。
张贴
