九份飽 (屯門時代廣場南翼)

营业中

休息中

【屯门区】【九份饱】真系好耐好耐冇同大家讲屯门区嘅餐厅，因为我嘅生活轨迹距离呢个地区愈来愈远。而呢日放假我就特登走入去揾吓嘢食，本身谂住喺屯门站再转轻铁求其揾个站落车再睇。点知去到𠮶阵已经肚饿，求其喺市中心搅掂件事算。喺屯门时代广场借个厕所，本身都未谂食乜，点知出到嚟就见到呢间台式餐厅。好似未见过呢间嘢嘅其他分店，睇餐牌先知佢仲有两间喺其他区。不过唔理佢啦，既然都喺度，又有啲肚饿咯，咁就唔好再周围望喇，入去坐低啦。一坐低，店员就问我系咪食下午茶，好啰，就食下午茶。两款「超值下午茶餐」都系卖 $39，我叫咗「A 餐」，首先上菜嘅系「盐酥鸡」。唔知系咪因为肚饿，所以觉得几好食，啲鸡粒炸完仲几嫩滑，个炸粉又唔算劲热气。跟住上「玉米芝士蛋饼」，都系可能因为肚饿，都觉得唔错，系佢碟底个辣酱有啲辣。嘢饮系配「珍珠奶茶」冇得改，有得改甜度同冰度，我都冇改就算喇。但系估唔到都唔差，唔系𠮶啲奶精奶茶。冇加一，真系 $39 埋单，抵。。。（地址：屯门屯合街2号屯门时代广场南翼L1楼22号舖）#1amfoodie #foodie #hkfoodie #thatfoodiething #hkfood #foo