新興麵家

营业中

休息中

【屯门区】【新兴面家】屯门虹桥𠮶边不嬲多嘢食，不过因为太远，成日都冇机会去𠮶边好好食吓嘢。经过有次同一位读者食咗饭，佢有同我粗略介绍吓呢度，最后同佢食咗一间西餐，𠮶篇我会等再有读者聚会先一次过出，而家个时机唔太适合。咁我自己嚟到，选择都唔会多，见到呢间新兴面家，个名好似之前喺牛腩群组都见过，一场嚟到就入去食吓佢。个样都好有老牌潮式面档 feel，而里面都八成满，估唔到㖞，我系寻日星期一下昼去嘅，平日下昼都咁爆嘅。用 $45 叫碗「牛腩牛杂粗面」先，餐牌都冇睇，因为佢根本冇餐牌，啲嘢就写晒喺墙上面。不过我都冇睇，食呢啲睇乜鬼吖。牛腩几滑几正，咬落去相当腍，唔系车仔面𠮶啲。唔怪得牛腩 group 都有人讲啦，原来真系有水准。而牛杂方面，佢都唔差，味道都够浓。加 $7 要枝「可口可乐」，都系新款玻璃樽𠮶只，已经饮过几次，正。不过一场嚟到想食得全面啲先出 post，慢慢食完稍事歇息就再叫嘢食，系呀，我一次食两餐， $40 要碗「净四宝」。佢有鱼蛋、墨鱼丸、猪肉丸、鱼皮饺呢四样配埋紫菜，可以加腩汁但我冇加，墨鱼丸同鱼皮饺较为突出，其他无特别。加 $7 要「枝装豆浆」，怀疑佢系重用玻璃樽自己整，味