點盅皇朝

营业中

休息中

【屯门区】【点盅皇朝】我系好耐冇做屯门区，上次做𠮶时已经系咁讲，冇办法，真系比较少经过呢边，我都唔介意畀大家笑我失德败行。而且中间仲去咗旅行，前前后后都确实冇时间特登入到咁远食嘢。今次我都系为咗影相先去，影巴伦纽𠮶张。巴伦纽啲嘢食吸引唔到我，跟住我就去咗卓尔广场揾嘢食，想食𠮶间寿司落咗场冇得食，所以见到呢间简简单单就入呢间。佢舖面唔大，得四五张枱，不过有潮式粉面食之余又有点心，跟住又会有包点同肠粉烧卖等等嘅小食。我叫咗碗 $45 嘅「牛杂牛腩粗面」，价钱唔算好贵，原来佢哋系 crossover 咗「潮得起牛杂腩粉面皇」而推出潮式粉面，搅笑。味道上，啲牛杂唔差嘅，正常水准，牛腩就几滑，有啲薄同埋牛味一般，就叫做对得住个价钱啦。仲要咗 $6.5 嘅「寿桃包」，点菜时我叫佢做寿包被纠正，其实系唔应该叫寿包嘅，因此我都冇咩嘢。味道上就一般，冇蛋黄，得莲蓉馅。之后叫埋 $16 嘅「鸡扎」，两扎系一样嘅，都系𠮶啲馅，味道就比较一般，冇乜特别。大家睇图都知我仲叫咗 $10 嘅「黑芝麻豆浆」作为饮品，系冻嘅胶樽装，我都几怀疑系佢哋自家制嘅，不过我冇求证就算，味道都 okay 我就唔揾答案喇。夹埋咁样就