Ruby Tuesday (屯門時代廣場北翼)

营业中

休息中

【屯门区】【Ruby Tuesday】同朋友去咗屯门，谂唔到食乜之下，见到呢间老牌西餐厅，就想入去试吓。因为上一次食已经系好多年前，都想试吓佢哋一贯嘅高水准有冇下降到。前菜我哋拣咗 $308 嘅「珍宝蟹肉饼」，果然系珍宝嘅蟹肉饼，好大好厚实，食落啖啖蟹肉，货真价实，好味。进入主菜，我哋先试 $298 嘅「韩式泡菜炸海鲜卡邦尼」，初初都会惊个味道会唔会九唔搭八，点知食落觉得又几夹，同埋几件炸海鲜都有质素。之后试 $558 嘅「特级肉眼扒」，要咗五成熟同跟蒜蓉牛油。上菜发觉块扒劲大，差啲食唔晒，味道亦都好正。食到咁，冇可能唔饮啲嘢，朋友饮 $118 嘅「爆谷奶昔」，佢话唔错。我就饮都系 $118 嘅「意式芝士蛋糕奶昔」，好邪恶嘅组合，喺奶昔之上加上 tiramisu 味道，真系好饮呀。埋单 $1400 系合理价钱，始终座位舒适之余，店员又亲切，系一种饮食嘅享受嚟。。。（地址：屯门屯隆街2号屯门时代广场北翼L1楼39-40号舖）#1amfoodie #foodie #hkfoodie #thatfoodiething #hkfood #food #instafood #yummy #food