表叔火鍋

营业中

休息中

我哋全家真系好钟意打边炉，基本上无分时节，一年四季都有边炉瘾如果要去分时令应该是汤底吧，今日同爸妈去咗食呢间贪其就脚又唔远先点了花雕醉鸡锅(半只) $138 通常呢个汤底有药材成份又补我冬天先够胆食，怕燥火嘛呢个煲花雕酒味唔算好重，但药材北茋、党参、当归、淮山、杞子、桂圆肉、红枣...等份量都几多，所以都几重药材味，而鸡件都几嫩滑，入面仲有鸡杂添<手切新鲜肥牛> $168/小份量中规中矩，牛味都重嘅，肉质软腍<鲜肥鹅肠> $65宜家好少地方有新鲜带肥膏嘅鹅肠了，好爽口又肥美，而且洗得几干净<熟猪手> $42本身已经煮熟，煲一阵够热就食得，佢系爽口带脆身，啲筋位劲正