影片
更多
2015-09-12
439 浏览
经常听家姐话带我去荃湾常满食鸡煲，今晚难得妈咪生日，于是我地一家六口，终于去到位于荃湾二陂坊的常满吃鸡煲庆祝妈妈的牛一了﹗常满系二陂坊原来都有成两间咁多，我地就是但入左其中一间分店啦﹗好快就有位啦，可能我地都算几早到，仲未系晚饭最多人嘅时间啦﹗入到去店员就安排左一张卡位比我地，可以坐到成8个人，所以我地一家六口，坐呢度都几舒服。一坐低，第一件事当然系望下餐牌有咩食啦﹗哗，就咁睇图都流晒口水啦﹗而且超级多选择啰﹗我从来未食过一间火锅店有咁多野食谦选择架﹗样样都好想食丫﹗见到张点菜纸上面，有D红色手指公嘅图案，我地估应该即系话个样野系好味咁解啦﹗家姐系常客，佢话一定要叫鸡煲，妈咪又话想食胡椒猪肚煲，咁就叫左半只鸡煲同一个胡椒猪肚煲。黎个小食先啦﹗系我最爱嘅椒盐鸭舌先，好好味丫，鸭舌好容易同D骨分开，脆卜卜又好香，一流﹗家姐话要点心太软，我话甜品不如食完正餐先点啦﹗点知原来佢指嘅心太软系呢个啰﹗听讲呢个心太软来头唔少野，每日限量供应架﹗唔系成日有得食，今日真好彩，有得食﹗点下个麻酱然后就食得，又几好味播，外脆内软，入面包住D好滑嘅豆腐，口感好特别。我地唔食到太辣，于是只点左BB辣。哗﹗半只鸡
经常听家姐话带我去荃湾常满食鸡煲，今晚难得妈咪生日，于是我地一家六口，终于去到位于荃湾二陂坊的常满吃鸡煲庆祝妈妈的牛一了﹗
常满系二陂坊原来都有成两间咁多，我地就是但入左其中一间分店啦﹗好快就有位啦，可能我地都算几早到，仲未系晚饭最多人嘅时间啦﹗入到去店员就安排左一张卡位比我地，可以坐到成8个人，所以我地一家六口，坐呢度都几舒服。
一坐低，第一件事当然系望下餐牌有咩食啦﹗哗，就咁睇图都流晒口水啦﹗而且超级多选择啰﹗我从来未食过一间火锅店有咁多野食谦选择架﹗样样都好想食丫﹗
见到张点菜纸上面，有D红色手指公嘅图案，我地估应该即系话个样野系好味咁解啦﹗家姐系常客，佢话一定要叫鸡煲，妈咪又话想食胡椒猪肚煲，咁就叫左半只鸡煲同一个胡椒猪肚煲。
黎个小食先啦﹗系我最爱嘅椒盐鸭舌先，好好味丫，鸭舌好容易同D骨分开，脆卜卜又好香，一流﹗
家姐话要点心太软，我话甜品不如食完正餐先点啦﹗点知原来佢指嘅心太软系呢个啰﹗听讲呢个心太软来头唔少野，每日限量供应架﹗唔系成日有得食，今日真好彩，有得食﹗点下个麻酱然后就食得，又几好味播，外脆内软，入面包住D好滑嘅豆腐，口感好特别。
我地唔食到太辣，于是只点左BB辣。哗﹗半只鸡都有劲多鸡肉啰，好开心丫﹗而且味道仲好香添。食落鸡肉好滑，而且煮耐左D鸡肉都唔会"鞋"㖞﹗家姐话常满系用清远新鲜走地鸡黎做鸡煲，所以鸡肉特别滑，唔怪得啦﹗
见到旁边有碗好似辣椒酱，开头仲以为系点鸡食，点知比家姐笑死我，原来系唔够辣，要黎倒落D汤到加辣用架。= ="
胡椒猪肚煲都好正，无平日个D咁辣，味道岩岩好，而且用料十足丫，有腐皮、猪肚、咸菜同西芹。
呢个叫梅酒千层肉，家姐话当食鸡煲食到觉得好辣嘅时候，就要食呢个﹗我问点解，佢话你食下咪知啰﹗于是我就食左一片，原来D肉因为浸左梅酒，所以会有甜甜地嘅味道，所以可以解辣。D肉又几爽口同淋，几好味﹗
细路最钟意食手打丸，于是叫左一客手打四宝丸试下，其中包括有手打墨鱼丸、手打鲜虾丸、手打梅菜猪肉丸同手打黑椒牛丸。卖相好精致，而且感觉D肉质好新鲜。食落好弹牙，同平日出面食嘅手打丸有少少唔同，佢特别弹牙同爽口。
我最爱嘅肥牛到啦﹗呢个系超级Size手切肥牛，因为全家都好钟意食肥牛，一睇就知系好野，肉同脂肪分布好平均，而且肉嘅颜色好鲜艳，好明显系新鲜野啦﹗滚两滚好快熟，好滑同好juicy呀﹗好快已经比我地一家K.O.左，重点，好抵食，只需hk$248。
打边炉一家要食向铃卷，呢度向铃卷系新鲜即叫即炸，热辣辣上枱，色泽金黄，食上口松脆无比，简直系人间极品，我自己一个可以K.O.半碟。
另外，我地仲点左蒿笋、栗米同萝白片，所有蔬菜都好新鲜，而且栗米同萝白片好甜，蒿笋好爽口。
饮品方面，我地叫左常满自制的柠檬茶同木敦茶，柠檬茶同出面饮嘅味道差唔多，而木敦茶好特别，少少甜，好似凉茶味，饮完可以无咁热气，正﹗我地全家都好满意呢餐饭，个个都食到好饱好满足﹗家姐果然无介绍错，唔怪得佢成日黎帮衬，下次同成班好姊妹再黎食过先得﹗是次晚餐每人平均消费hk$150，真系又好味又抵食丫﹗
张贴
