影片
更多
2022-06-17
93 浏览
【厨师发办Omakase推介｜叹日本直送寿司🍣】 琴晚同妈咪嚟咗呢度豪叹Omakase (#おまかせ )❣️菜单采用新鲜时令食材, 寿司师傅会按当日食材嘅最佳状况去决定餐单, 有啲食材都系第一次见同试🤩, 绝对系充满惊喜又难忘嘅日本美食体验🇯🇵~~ 晚市厨师发办有$980、$1180及$1480 三个选择, 我哋点咗《鮨 $1180/位》, 有前菜、15贯寿司、汁物、茶碗蒸及甜品餐厅环境舒适阔落, 私隐度几高, 可近距离欣赏寿司大师嘅功架; 店员服务态度非常亲切, 让人窝心💗呢度嘅寿司饭选用特制嘅赤醋饭, 每款手握寿司嘅酱料配搭亦有不同, 可品尝到醋渍嘅香气及幼嫩鱼肉嘅完美结合, 带来轻盈而柔软嘅口感~《前菜》卖相好精致, 有长野蕃茄、炸无花果配蛋黄酱、鲨鱼心、茄子渍、莲藕渍、水云啫喱《15贯寿司》🍣石鲷寿司 - 以青柚子汁提味, 刺身肉质细腻, 油脂丰富, 味道鲜甜🍣爱女鱼寿司 - 肉质扎实爽口, 肉质肥美呈半透明🍣北寄贝寿司 - 肥美厚实, 甘甜鲜美🍣昆布白虾寿司 - 厨师先用昆布夹住白虾腌制, 白虾嘅鲜甜味明显🍣右口鱼寿司 - 最上层嘅右口鱼经过火炙之后, 逼出油分, 令鱼脂味更丰
琴晚同妈咪嚟咗呢度豪叹Omakase (#おまかせ )❣️菜单采用新鲜时令食材, 寿司师傅会按当日食材嘅最佳状况去决定餐单, 有啲食材都系第一次见同试🤩, 绝对系充满惊喜又难忘嘅日本美食体验🇯🇵~~
晚市厨师发办有$980、$1180及$1480 三个选择, 我哋点咗《鮨 $1180/位》, 有前菜、15贯寿司、汁物、茶碗蒸及甜品
餐厅环境舒适阔落, 私隐度几高, 可近距离欣赏寿司大师嘅功架; 店员服务态度非常亲切, 让人窝心💗
呢度嘅寿司饭选用特制嘅赤醋饭, 每款手握寿司嘅酱料配搭亦有不同, 可品尝到醋渍嘅香气及幼嫩鱼肉嘅完美结合, 带来轻盈而柔软嘅口感~
《前菜》
卖相好精致, 有长野蕃茄、炸无花果配蛋黄酱、鲨鱼心、茄子渍、莲藕渍、水云啫喱
《15贯寿司》
🍣石鲷寿司 - 以青柚子汁提味, 刺身肉质细腻, 油脂丰富, 味道鲜甜
🍣爱女鱼寿司 - 肉质扎实爽口, 肉质肥美呈半透明
🍣北寄贝寿司 - 肥美厚实, 甘甜鲜美
🍣昆布白虾寿司 - 厨师先用昆布夹住白虾腌制, 白虾嘅鲜甜味明显
🍣右口鱼寿司 - 最上层嘅右口鱼经过火炙之后, 逼出油分, 令鱼脂味更丰富, 增加香味之余, 同中层嘅右口鱼刺身形成强烈对比, 肉质肥嫩, 非常有口感, 增加层次~
🍣缟虾寿司 - 缟虾份量多, 有胶质, 非常弹牙
🍣赤贝寿司 - 肉质爽口鲜甜
🍣深海池鱼寿司 - 肉质细致, 爽口带油份
🍣中拖罗寿司 - 味道鲜甜, 鱼油脂非常甘香, 接近入口即溶化
🍣池鱼寿司 - 带点麻油香, 令刺身鲜味更突出
🍣鲭鱼寿司 - 超肥美, 鱼脂丰富, 肉味鲜甜, 以姜蓉点缀
🍣鲣鱼寿司 - 以生蒜蓉点缀, 味道有层次感
🍣烧帆立贝 - 用脆口嘅紫菜包住大大粒嘅炙烧帆立贝, 帆立贝表面烧焦, 带有微微嘅焦香味, 外脆内嫩, 非常满足!
🍣最后以马粪海胆杯作总结
《茶碗蒸》
加入虾油, 虾味鲜香浓郁, 滑蛋好嫩滑
《汁物 - 莼菜鱼汤》
味道鲜甜, 莼菜鱼呈透明色, 啫喱状质感, 口感独特
《甜品 - 蓝莓芝士蛋糕🍰》
上面有金箔, 令蛋糕望落更矜贵, 蓝莓酱香甜, 芝士蛋糕口感顺滑
张贴
