影片
更多
2022-04-06
150 浏览
转咗手继续高质仲升格黄店嘅Veggie4love💛保留美帝装修，菜式继续玩味十足，每次都有创新嘅全素令人大开眼界。北京烤片 HKD 78纯素北京填鸭整到好精致，除咗素鸭，配料有齐片皮鸭要有嘅元素青瓜、蒸粉皮、照烧酱，再洒上啲红椒粉，卖相一流。素鸭食得出系豆干仿制，有模仿鸭肉鸭皮嘅texture, 同坊间买嘅素鸭腐皮卷唔同，食落真系有啲弹牙嘅质感。主要画龙点睛嘅系酱汁，因为实在太像真⋯竟然令我有一种好怀念以前食真填鸭嘅感觉😳包埋一齐真心似得有啲恐怖，美中不足系，欠缺咗京葱😌凉拌手撕鸡🐓HKD 78 呢个系店主推荐要试，像真度比北京填鸭更高😳素鸡唔用豆制品咁求其，而系用素食界常见嘅香蕉花扮鸡🍌香蕉花以往系扮素鱼嘅常客，但扮素鸡真系好少见。手撕鸡撕得好细碎，连除香蕉花嘅纤维，食落去连鸡骨同鸡肉嘅血丝位都有齐😱调味上有麻油，少少辣又几清爽，加埋芝麻青瓜丝冇得输，连身边嘅非素食朋友都食到o咗嘴🤭I’m Fabulous🍔 HKD 158 转手之后仍然保持到水准之外，更特别系店主更注重健康素食嘅理念，用上红菜头豆蓉磨菇腰果整嘅patty比以往减咗一半糖分，配搭草青味较重嘅目蓿芽，红菜头嘅清甜中和左
北京烤片 HKD 78
纯素北京填鸭整到好精致，除咗素鸭，配料有齐片皮鸭要有嘅元素青瓜、蒸粉皮、照烧酱，再洒上啲红椒粉，卖相一流。素鸭食得出系豆干仿制，有模仿鸭肉鸭皮嘅texture, 同坊间买嘅素鸭腐皮卷唔同，食落真系有啲弹牙嘅质感。主要画龙点睛嘅系酱汁，因为实在太像真⋯竟然令我有一种好怀念以前食真填鸭嘅感觉😳包埋一齐真心似得有啲恐怖，美中不足系，欠缺咗京葱😌
北京烤片
$78
9 浏览
0 赞好
0 留言
凉拌手撕鸡🐓HKD 78
呢个系店主推荐要试，像真度比北京填鸭更高😳素鸡唔用豆制品咁求其，而系用素食界常见嘅香蕉花扮鸡🍌香蕉花以往系扮素鱼嘅常客，但扮素鸡真系好少见。手撕鸡撕得好细碎，连除香蕉花嘅纤维，食落去连鸡骨同鸡肉嘅血丝位都有齐😱调味上有麻油，少少辣又几清爽，加埋芝麻青瓜丝冇得输，连身边嘅非素食朋友都食到o咗嘴🤭
凉拌手撕鸡
$78
10 浏览
0 赞好
0 留言
I’m Fabulous🍔 HKD 158
转手之后仍然保持到水准之外，更特别系店主更注重健康素食嘅理念，用上红菜头豆蓉磨菇腰果整嘅patty比以往减咗一半糖分，配搭草青味较重嘅目蓿芽，红菜头嘅清甜中和左目蓿芽嘅苦涩令成个burger口感升华咗，啡菇同腰果泥味道好香浓，同红菜头各有千秋而且有肉感，feel唔到系素食🌱纯素汉堡包嘅面包由于冇蛋奶，麦味更加香。伴碟嘅沙律菜够fresh, 超粗嘅薯角略咸。
I’m Fabulous
$158
8 浏览
0 赞好
0 留言
Mixed Berries Soy shake 🥤HKD 68
椰子cream味道清清地唔化学👍🏻vegan milkshake 都几creamy, 同样系低糖制作，soy milk mix落berries 又比想像match唔会酸😙豆乳奶昔整体好refreshing，但饮到底沟埋椰子cream都会偏腻🫐题外话，当日隔离枱有人饮剩一大杯冇饮，𠮶下我地有冲动想抢左佢😂🤫
Mixed Berries Soy Shake
$68
2 浏览
0 赞好
0 留言
Secret Menu: 纯素白汁意粉 (Rating: 8.7/10)
店主当日喺度研发新menu，顺便整个俾我试食🤣看似劲普通，但个味道其实比想像中特别，纯素白汁用豆乳制作，但食到有啲菇同粟米嘅甜味，有阵特别嘅味坊间比较少食到，不过店主话神秘，冇透露落左咩秘方要客人自己估😂配料有番茄、西兰花、磨菇等嘅配料基本上唔会差，待日后真系出新menu可以再执得独特啲就好🙃
佢个餐牌喺疫情关系，当日暂停左茶渍饭，下次有机会一定要食🥴睇见新店主不停钻研紧健康又创新嘅纯素体验，绝对值得支持，到场打个卡无任欢迎💛
张贴
