OH MY GOOSE! (已結業)

上堂前去朗豪坊食个快饭，于是就拣咗比较平同多选拣嘅food court 。云云餐厅见到oh my goose 嘅装修最特别，其实之前几次都想试㗎喇，咁啱今次要等朋友咪顺手上网睇吓佢系食乜嘅啰。一search就search到原来佢系食中式饭，仲要系《食神》入面𠮶只黯然销魂饭！网站张相就几好睇喇，唔个真样又系点㗎呢？上到台，吖又几鬼靓啵，相机食先～试下旧叉烧又试下个蛋同饭：叉烧系比较瘦同干身嘅叉烧，啱唔啱食就见仁见智，但我自己呢又觉得唔错啵，可能因为冇预过味道会咁正常——应该话系比正常味道好食（而且摆得好整齐好靓）；蛋同饭都系正正常常啦，冇乜特别。整体而言加埋一齐就一碗又靓个味又好正常嘅叉蛋饭啰。