影片
更多
2022-05-18
427 浏览
【怀旧点心 新式做法】📍盈馆旺角弥敦道593-601号创兴广场7楼🌃环境位于旺角最繁华嘅街上，闹中取静，虽然正值饭点，但系由于餐厅比起其他酒楼嚟讲唔大，所以唔系好嘈，食客三两成群咁聚埋一齐倾偈，系另一种嘅chill法。见到其他枱上都有一个睇落系铜做嘅茶壶，有啲复古嘅感觉，几有feel嘅，但系可惜我哋台就无，睇嚟数量有限，希望下次嚟嘅时候会遇到啦！🥘食物❤️冰镇咕噜肉一上台嘅时候，系畀佢惊喜到嘅，我哋expect嘅冰镇咕噜肉可能系碟周围有啲冰，但系呢个系咕噜肉捞埋啲冰一齐，几有创意。我哋初头以为会随住啲冰溶化而令酱汁淡咗，但系去到最后都系保持到酸酸甜甜嘅味道，甚至唔会好似平时食嘅咕噜肉咁，外面系淋嘅，而系成旧都好似锅包肉咁脆，肉质又紧致，我谂都系多得冰嘅功劳。而且有个好有趣嘅位系，一开始啲肉仲系热热地嘅，但系食食下啲肉越嚟越冰，而个肉越嚟越脆，呢种口感上系十分特别嘅，并且个口感系成餐饭会keep住有变化，好奇妙，可惜我哋未等到成嚿肉都变冰之后先食，因为实在太好食，必食啊！评分：👍🏻👍🏻👍🏻👍🏻👍🏻❤️私房蜜椒猪肋骨会话呢碟亦系必食之一，蜜糖加黑椒呢个搭配系十分出彩嘅。因为佢黑椒系落得好重手嘅
📍盈馆
旺角弥敦道593-601号创兴广场7楼
🌃环境
位于旺角最繁华嘅街上，闹中取静，虽然正值饭点，但系由于餐厅比起其他酒楼嚟讲唔大，所以唔系好嘈，食客三两成群咁聚埋一齐倾偈，系另一种嘅chill法。见到其他枱上都有一个睇落系铜做嘅茶壶，有啲复古嘅感觉，几有feel嘅，但系可惜我哋台就无，睇嚟数量有限，希望下次嚟嘅时候会遇到啦！
🥘食物
❤️冰镇咕噜肉
冰镇咕噜肉
60 浏览
1 赞好
0 留言
一上台嘅时候，系畀佢惊喜到嘅，我哋expect嘅冰镇咕噜肉可能系碟周围有啲冰，但系呢个系咕噜肉捞埋啲冰一齐，几有创意。我哋初头以为会随住啲冰溶化而令酱汁淡咗，但系去到最后都系保持到酸酸甜甜嘅味道，甚至唔会好似平时食嘅咕噜肉咁，外面系淋嘅，而系成旧都好似锅包肉咁脆，肉质又紧致，我谂都系多得冰嘅功劳。而且有个好有趣嘅位系，一开始啲肉仲系热热地嘅，但系食食下啲肉越嚟越冰，而个肉越嚟越脆，呢种口感上系十分特别嘅，并且个口感系成餐饭会keep住有变化，好奇妙，可惜我哋未等到成嚿肉都变冰之后先食，因为实在太好食，必食啊！
评分：👍🏻👍🏻👍🏻👍🏻👍🏻
❤️私房蜜椒猪肋骨
蜜椒猪肋骨
21 浏览
0 赞好
0 留言
会话呢碟亦系必食之一，蜜糖加黑椒呢个搭配系十分出彩嘅。因为佢黑椒系落得好重手嘅，所以系有少少辛口，但系蜜糖又令呢种味道得到中和，唔会过份重口。并且个蜜糖系去到麦芽糖嘅质感，经过烹煮之后形成带点粘稠嘅硬壳，牙齿经过坚韧嘅糖壳、肥瘦得宜嘅肉、连住骨嘅薄膜，再触及骨头，呢种感觉系十分诱人嘅，成旧嘢嘅口感层次又上升咗，十分出色。食一两旧可能会有啲济，但系一旁有十分扎实嘅炸馒头，用佢面粉嘅香气冲淡油腻，十分体贴。
评分：👍🏻👍🏻👍🏻👍🏻
❤️流沙包
黑金流沙包
20 浏览
0 赞好
0 留言
黑金流沙包
21 浏览
0 赞好
0 留言
我平时就十分钟意食流沙包，𠮶种将咸蛋黄𠮶浸咸香同包嘅松软结合起嚟嘅组合系无得输嘅，而呢个流沙包就超班做到呢样嘢，首先佢个奶黄唔似出面啲酒楼咁，系纯黄色液体状，而系带有咸蛋黄嘅粒粒喺度，而𠮶黑金色嘅皮唔单只得个样，更加系松软得嚟甜甜地，亦十分出色。
评分：👍🏻👍🏻👍🏻
❤️片皮鸭
片皮鸭
16 浏览
0 赞好
0 留言
片皮鸭
21 浏览
0 赞好
0 留言
呢个系个师傅推架车仔出嚟然后喺我哋面前片嘅，虽然过程并唔系好有观赏性，但系至少令我哋知𠮶鸭唔系预先片定，热辣辣咁。而配料有黄瓜条、葱白丝、白糖、甜酱，虽然香港多数都系点甜酱，但系听讲北京正宗食法系蘸白糖，结果真系几衬，肥瘦相间嘅肉包系白雪雪嘅面皮到，加埋其他配料，中和左个鸭油嘅腻之余，又增添左风味
评分：👍🏻👍🏻👍🏻👍🏻
❤️大良脆鲜奶
大良脆鲜奶
11 浏览
0 赞好
0 留言
就真系脆到掉渣，𠮶种外脆内软嘅感觉系十分奇妙嘅，咬开出面极其酥脆嘅外皮之后，入面系嫩到介乎于液体同固体之间嘅鲜奶，但系要注意嘅系，食嘅时候要好小心，我同frd同时摆入口，亦都系同时遮住个口喺度呵气，真系热辣辣到一个点，但系一定要趁热食，真系甜蜜的烦恼啊！
评分：👍🏻👍🏻👍🏻
张贴
