手拉麵小廚

营业中

休息中

又一间新蒲岗名物，食上海菜既小店，地方虽然唔大，但都企理干净，姐姐都好好礼貌。猪扒担担汤拉面，一上枱都忍唔住哗一声，块猪扒成碗面咁大，仲要系有番咁上下厚度，够入味又唔会柴，担担汤带有花生酱香味带微辣，好啱送面。拉面唔系条条一样粗幼，睇得出系人手拉先做到，食落系微微弹牙既口感。云吞汤拉面，云吞都好大粒，满满既馅料，女仔净系食云吞已经饱左7成。小笼包好夸张，真系有女仔拳头咁大一只，而且外皮都系做得好薄，一口系放唔入成粒小笼包，食既时候要有 d 技巧先得。整体系份量极大又好味，绝对系可以 encore 既餐厅。