手拉麵小廚

营业中

休息中

係bookmark咗好耐嘅餐廳，前排又係threads見到post話好好食，於是咁啱行開新蒲崗就決定試下。當日係星期日下晝兩點半，都有兩三個人排隊，真係人氣街坊餐廳。價錢比其他上海菜館貴啲，湯麵大概係$65一碗，不過係師傅即場手打，同埋味道好，都值得一試。我地兩個人叫咗一碗雞扒擔擔麵($65)同埋5個小籠包($55)。小籠包比以前食過嘅巨型好多，皮厚度適中，但係入面裝咗超多超多湯汁 (男朋友話太多lol)，而且小心啲夾係唔容易爛，我覺得師傅工藝真係值得讚。至於雞扒擔擔麵，個雞扒有驚喜，烤得非常香，肉質嫩﹐手拉麵粗細不一有口感。個擔擔湯就比較杰身，相比起雞扒嚟講就中中挺挺。唯一要彈嘅係環境比較污糟

本來滿心期待嚟呢間試佢個小籠包，拖住小朋友都要過嚟入到去地方淺窄，環境有點污糟，本身見到有張枱吉咗出嚟想坐低，點知個阿姐立即叫我搭枱去隔離個男人張枱度，樓面兩個阿姐態度都唔係太好，之後對其他客人啲語氣都唔好佢餐牌啲價錢都唔算平叫咗個小籠包食，係呀上枱嗰陣時係真係嘩咗一聲，但食落口裏面啲湯汁係鹹嘅,唔係肉汁嘅鮮味，係豉油味，調味過重，個感覺好似食緊蒸肉餅有啲豉油咁樣，完全唔係嗰回事，出面求其一間都好食過佢，真係得個“大”字 $55

唔知點解咁難食都咁多人推🙃唔洗特登第二度走黎食！唔洗專登排隊食！！！豬扒擔擔麵BB辣：上到黎同我講BB辣=無辣 自己加辣（唔係化，你落少啲辣咪得囉）啲麵唔熱，一早碌定，加湯底，所以好難食，個麵碌定仲要唔洗咬就斷，老人家好岩食。。小籠包：啲皮厚過我面厚，仲要個湯汁入肉一堆豬肉糊 唔會飲到純肉汁，勁勁勁難食。（好咸，食唔到質素）羊肉抄拉麵：鹼水味極重，如果接受唔到就唔好叫。雖然話要支持小店，但都要有質素，同埋都唔平，其他連鎖店好食啲，不會有下次，因為太難，所以啲相都見到我碗麵整係食咗啲豬扒。

同事經社交平台介紹呢間食小籠包出名兼且佢當日要到附近買嘢所以同佢唻食由地鐵站出發行去都幾遠𠺢但為左搵嘢食無辦法啦😉果然無令我哋失望尤其小籠包真係好好味呀😋😋😋😋😋😋😋😋Send啲相比我老公睇佢話下次一定要帶佢唻食因為呢啲都係佢至❤️🤣😂🤣😂

見上網講話隱世美食，特別去試一試睇下係咪真係甘好食堂食等左20分鐘，黎到個小籠包真係好大隻，見里面D湯好足料甘，心諗今日有食神? 但 當我一咬E??? 唔係鮮甜既咩應該? 點解係肉溝鼓油味勁重，再加上D肉係散開哂無錯啊  係散開哂，仲夾雜住好多肥肉 特別講係好多肥肉。D肥肉仲要搞唔爛  一粒粒， 我超失望。冇下次!講真 甘都要55$籠 真係開大家玩笑嗎???肉明顯醃味好重..姜醋我真係多舊魚...我係要食佢既鮮...但佢整到D肉我食緊鼓油肉無分別....極度唔會再回頭再試。

🤔羊肉湯拉麵 湯底顏色濃郁，睇落幾惹味，但係羊肉湯同埋羊肉都好大浸羶味。可能鍾意食羊果浸酥味嘅朋友會鍾意？我就麻麻哋啦。👌🏼醉雞 花雕酒嘅味道幾濃郁，又有甜甜地嘅感覺，個汁整得幾好味。但係雞就唔算係特別滑。招牌小籠包 嚟嘅時候嚇一跳，咁巨大嘅小籠包！應該叫係小湯包先啱佢個size ! 食落都真係好多汁。味道唔錯。整體來講，大部分食物都味道正常okay，除左羊肉拉麵對我來講太騷，但又未至於好食到會返食。食物： ★★★☆☆ 環境： ★★☆☆☆推介度：★★★☆☆

睇落哩間環境一般 但嘢食樣樣都勁好食1）招牌小籠包 好多湯汁 3🌟2）羊肉湯拉麵份量勁大碗，勁足料！好濃郁嘅羊肉湯，啲羊肉煮得啱啱好，連埋啲麵好好食😋。3）豬扒擔擔湯拉麵🍜好大碗，湯味好濃。每一啖都好重肉味，勁香。豬扒勁好食，又香脆又軟腍，咬落去好多層次好有口感，個味勁好食。總括而言，呢間舖嘅食物係高質嘅，大大碗得來，啲豬扒又整到香脆可口得來又軟腍腍，湯底濃郁美味。連埋啲麵食一齊浸住就會好入味好好味🤤～$180

舊式老店，坐位唔多，坐得比較窄，星期日午市所以多人等位1）花雕醉雞：鷄夠入味而且夠滑，酒味濃2）豬扒担担湯拉麵：拉麵爽滑，豬扒醃醃得幾好味，煎得夠香，湯底有啲辣 （因為我淨係可以食到B B辣))，唔係我鐘意嘅花生麻醬湯底有啲可惜3）招牌小籠包：皮薄多汁好好味 ，我一向唔鍾意食小籠包，試咗一隻，真心好👍4）羊肉湯拉麵：拉麵爽滑，羊肉湯羶味都幾重，唔係我鐘意嘅味道5）豆沙鍋餅：唔係好甜，豆沙餡太少，餅底麻麻哋

行完Airside，朋友話有間唔錯嘅小店喺附近👀由Airside經Mikiki… 行左15-20分鐘😂間店外表其貌不揚😳😳唔係朋友拉我過嚟，我真係唔會專登過嚟😂😂我哋兩個人叫左⭐️牛肉炒拉麵 賣相雖然…但份量都好足味道似乾炒牛河，但轉左做手拉麵同濕炒，麵食落有咬口，都幾多牛肉⭐️我最期待嘅小籠包熱辣辣，勁多湯汁，家常嘅味道，肉餡令我諗起阿媽啲蒸肉餅😂😂皮唔厚👍🏼軟熟，拎起一日就提心吊膽一次😂😂最後叫埋甜品⭐️豆沙窩餅味道正常，即叫即煎，豆沙唔太甜，沒有特別姐姐見我同朋友點上面嘅菜，主動拎碗俾我哋🥰🥰

小籠包好食, 拉麵高水準, 服務態度一般, 環境一般, 地方狹窄, 唯獨食物質素非常高. 如果一大班人就唔好去兩34個人都冇所謂, 座位不多,  高峰時候等待時間比較長，如果有時間的話推薦試一下這間餐廳

以前成日同屋企人食京川菜、小籠包，今日❤️心血來潮❤️就同朋友黎左新蒲崗的手拉麵小廚，office 放飯時間，我地等左大約5-10分鐘就可以入座。食京川滬菜又點小得經典 - 雞絲粉皮 呢，初初以為冷盤小食細細碟，點知同一個主食份量無分別😋，真係一個人食嘅話都夠飽。豬頸肉担坦湯拉麵 - 估唔到豬頸肉份量都唔少，都有大約10-12塊，每口都啖啖肉，而且佢燒得幾香，湯底味道不錯，不過略不夠濃郁，但整體水平不俗。最後當然唔少得 招牌小籠包 啦！呢度嘅小籠包一啲都唔少，係大籠包唷🤣，而且入面已經唔係肉汁，份量多到係湯汁😋，肉汁依然鮮甜經典，不過可能係大籠包，皮則略較厚。

已經不是第一次幫襯新蒲崗手拉麵小廚的午餐。首先，招牌小籠包大大隻，真是可以同包來形容，其外皮薄而不破，湯汁豐富，一咬下去就能感受到肉餡的鮮美和湯汁的溫熱。每一個小籠包都像是精心製作的藝術品，讓人忍不住一個接一個地品嚐。接著是豬頸肉担担湯拉麵，這道菜的湯底醇/濃厚，帶有一點點的辣味和濃郁的芝麻香。厚切豬頸肉入口即化，與手工拉麵的彈牙口感完美結合。每一口都讓人感受到廚師對食材的尊重和對味道的執著追求。最係，這家店的特色是店前有師傅即場整手拉麵，可以觀看師傅的手勢。這家小廚的午餐不僅味道出眾，更展現了對傳統手工拉麵的現代詮釋。以這個價錢已經物有所值。

📍手拉麵小廚呢間小店門口有兩位師傅係到拉緊手工麵同埋包小籠包🥟一睇就知道係功夫菜‼️即刻試試佢🧐🧐🧐🍞招牌小籠包5隻 （$55）一入座已經有姐姐俾定食小籠包用嘅陳醋你因為每一枱都一定會嗌呢個招牌小籠包👍🏻小籠包係即嗌即蒸新鮮熱辣辣♨️每一籠嘅小籠包都脹卜卜食小籠包既時候一定要係個頂上邊咬一啖將啲湯汁倒落個匙羹度再一啖飲曬啲湯😋😋😋呢度嘅小籠包真係非常出色💯足足有一匙羹湯❗️而且皮薄餡靚‼️超級好食🥹🥹🥹呢個真係一定要試✅✅✅🍜羊肉湯拉麵 （$65）呢度嘅羊肉湯拉麵都好出名羊肉係手切羊肉唔係平時打邊爐嗰啲羊肉卷🐑羊肉味好濃好羶拉麵好煙韌👍🏻🍜雞扒担担湯拉麵 （$65）担担麵湯有好濃嘅花生味雞扒係新鮮即炸皮脆肉嫩🐥🐥如果鍾意食濃味湯麵嘅話担担湯麵會好岩你✅呢間小店真係非常高質❗️❗️❗️小籠包係一定要食🥹不過小店坐位有限通常都要等位所以最好早少少去食啦💪

小籠包好食慕名而來點知失望而回 第一次要震驚到留comments服務態度極差自問入門口到出去想唔該前唔該後因為想嗌幾種小食 所以問個呀姐幾大碟（再用手勢嘗試比劃碟嘅size）佢勁凶惡咁回應：我講你都唔知幾多架啦 咩幾大碟啫 你嗌咗先知！最後我哋嗌咗 花雕醉雞 雞絲粉皮 皮蛋豆腐同埋小籠包過程中有另一枱客人（男仕）入店亦都係我落完order之後 先order小籠包 及其他熱食並以靚女嗌同一個呀姐上小龍包係另一個男侍應 亦都係最後先上菜嘅因為係我落單先而順理成章放低小籠包俾我籠小籠包已經放咗落我枱個呀姐衝過嚟搶走 並俾咗較遲落單嘅男食客我大為驚訝 望咗呀姐一眼 並無任何斥責佢立即解釋係因為男食客要影相佢叫嘅係熱食 所以俾佢先然後以「你哋呢啲」稱呼我同男朋友因為唔影相同埋冷盤 而後上小籠包俾我哋-小籠包雖然大隻好多湯汁，但肉質極鬆散 一口咬落去好似食緊肉醬意粉啲肉醬咁個皮唔算薄 食得出雪過蒸返 而且質地有種膠質嘅口感雞絲粉皮 嘅雞絲極少 而且鞋嘅皮蛋豆腐 味道合理 蔥同芫荽 味道都係豆腐入面食到 唔錯醉雞就同雞絲粉皮嘅雞一樣咁嚡啲皮冇光澤同埋好皺 花雕酒味合理-唔會再幫襯對唔公平對待食客嘅餐

去咗鑽石山嗰邊做嘢，約咗附近放工嘅朋友食飯。佢話帶我去食好嘢，一路唔講畀我知食乜，結果去到門口先知道係呢一間響新蒲崗出哂名嘅小店。食得呢啲小店，就預咗要等位㗎喇，千祈唔好因為等得耐而覺得唔耐煩。向街有塊大玻璃，可以望到廚房入面製作小籠包同拉麵嘅過程，門口仲等緊位嘅小朋友就最開心，難得嘅係舖頭入面嘅師傅，又會同啲小朋友隔住塊玻璃有少少嘅互動，氹到啲小朋友好開心。講返啲嘢食，我之前都食過幾次，呢個價錢嚟講冇咩好挑剔，小籠包係好味，擔擔麵係更加好味。經濟實惠又一餐，有時都好羨慕喺嗰邊返工嘅人仲有居民。