新泉發潮州飯店 (已結業)

女朋友去咗几日泰国返到嚟当然要带佢食好嘢啦！😃继上次带咗去食明记潮馆之后，今次又拣咗喺砵兰街嘅打冷老店 - 新泉发。😇喺铺头外面望左几望，见到座无虚席谂住碰碰运气，点知铺入边角位仲有一张枱仔，当然捉女朋友入去啦😗 一贯老店嘅作风，厨房都系好开扬，我哋坐𠮶张枱正正望住厨房煮嘢！🤨先睇餐牌，其实都系𠮶几款打冷选择，但正正选择唔多所以着出嚟先够风味！✅韭菜猪红：基本上每次打冷我都会点嘅𩠌，韭菜非常之弹牙，猪红点堆秘制嘅辣椒油简直系一绝！✅蚝仔肉碎粥：其实本来我系我系方鱼肉碎粥嘅，但落单𠮶位老店员应该听错咗😝最后嚟咗蚝仔粥。个人认为食粥嘅话温度系好重要，端上时热辣辣简直系正，不过蚝仔就唔系太多，但系粥几粘！✅著名潮州卤水鹅片：虽然卖相唔系好讨好，不过味道就一流，绝对有鹅嘅味道。不过略嫌每一块嘅厚薄唔系太均匀，稍为失色少少。✅腊肉炒芥兰：呢个时间应该芥兰当做嘅时候，但系就冇咗芥兰𠮶种清甜，我个人喜欢腊肉有点油腻嘅感觉🤓呢碟嘅腊肉比较干身。至于其他𩠌菜选择大家亦都可以自行试下，我见到蚝饼都好靓，同埋比较多人叫炒蚬！——————————食物质素：8/10环境卫生：6/10舒适度：6/10服务：7/1