甲賀珈琲 (已結業)

圣诞节决定唔屈喺屋企，两公婆下昼出去行下街，但行咗冇几耐已决定坐低饮杯咖啡算啦……去过雅兰中心食嘢好几次，成日都路过呢间甲贺咖啡，见佢间舖以木色系为主，好似几舒适，于是今次就去咗呢间度饮杯嘢。一向都钟意奶啡，所以点返最当饮嘅Flat white，老公饮茉莉龙珠茶，两个都系常规啦，拉花都系常规地靓。见到佢甜品有冬甩，本身真系谂住斋饮嘅我忍唔住点咗个朱古力味。攞到手时见到比常规细已经惊伏伏地，枝叉拮唔到落去时，正式知道濑嘢，冻咗太耐、口感太实，浪费咗我食嘢quota……张枱仔有延伸板可以拉出嚟，不过都系唔好手多，一拉见到唔少牛角包碎……总括而言，饮杯嘢吹下水可以嘅，食冬甩真系不了，不过都未必有下次。门口有个圈系打咭位，见到个雪人觉得几温馨，但见到老公影出嚟张相，只可以话再好嘅打卡位都可以毁喺直男手上。