影片
更多
2023-11-11
52 浏览
继续捉紧夏天嘅尾巴，近年甜姨姨推出刨冰大受欢迎，最近更推出新品杨枝甘露刨冰，非常吸引，好有港式风味，趁天气仲炎热一于去钻石山荷里活广场新分店试试。杨枝甘露冰 - Mango Habibi杨枝甘露冰卖相吸睛，刨冰用上咗日本硬冰同埋刨冰机刨成雪花，口感绵绵，入口细腻，顶层有支鲜芒果雪条，雪条真材实料，仲食到淡淡芒果肉，刨冰上面有泰国金柚 同香滑嘅鲜忌廉，刨冰淋上杨咗枝甘露汁，味道酸酸甜甜，清凉开胃，冰底加咗椰汁好香，刨冰中间嘅馅料有嚟自菲律宾吕宋芒嘅鲜芒果肉粒、热情果冻同埋芒果脆脆，口感丰富。另外配有一份抹茶蕨饼，口感烟韧，抹茶蕨饼带有淡淡苦涩味，味道香醇。黑心太软（海边走走） - Molten Black Sesame Cake黑心太软好特别，少见嘅黑芝麻味道，切开心太软有流心黑芝麻酱，睇住黑芝麻酱涌出嚟好治愈，黑芝麻味浓郁，心太软顶层有嚟自台湾海边走走芝麻蛋卷，香脆松化，同样有爆浆浓郁黑芝麻馅，另外配上Haagen-Dazs 云呢拿雪糕，口感香滑，加埋心太软热力，冰火相融，沾埋底下嘅黑芝麻粉，大满足。即撞木桶豆腐花 - Tofu Pudding豆腐花系甜姨姨嘅招牌之一，即叫即撞，系港式
继续捉紧夏天嘅尾巴，近年甜姨姨推出刨冰大受欢迎，最近更推出新品杨枝甘露刨冰，非常吸引，好有港式风味，趁天气仲炎热一于去钻石山荷里活广场新分店试试。
杨枝甘露冰 - Mango Habibi
杨枝甘露冰卖相吸睛，刨冰用上咗日本硬冰同埋刨冰机刨成雪花，口感绵绵，入口细腻，顶层有支鲜芒果雪条，雪条真材实料，仲食到淡淡芒果肉，刨冰上面有泰国金柚 同香滑嘅鲜忌廉，刨冰淋上杨咗枝甘露汁，味道酸酸甜甜，清凉开胃，冰底加咗椰汁好香，刨冰中间嘅馅料有嚟自菲律宾吕宋芒嘅鲜芒果肉粒、热情果冻同埋芒果脆脆，口感丰富。另外配有一份抹茶蕨饼，口感烟韧，抹茶蕨饼带有淡淡苦涩味，味道香醇。
黑心太软（海边走走） - Molten Black Sesame Cake
黑心太软好特别，少见嘅黑芝麻味道，切开心太软有流心黑芝麻酱，睇住黑芝麻酱涌出嚟好治愈，黑芝麻味浓郁，心太软顶层有嚟自台湾海边走走芝麻蛋卷，香脆松化，同样有爆浆浓郁黑芝麻馅，另外配上Haagen-Dazs 云呢拿雪糕，口感香滑，加埋心太软热力，冰火相融，沾埋底下嘅黑芝麻粉，大满足。
即撞木桶豆腐花 - Tofu Pudding
豆腐花系甜姨姨嘅招牌之一，即叫即撞，系港式传统味道，打开木盖已经闻到好香豆腐味，豆腐花口感香滑，豆味浓郁，可自行加配黄糖调味，不过唔洗加太多黄糖经已好好味。
榴梿奶冻 - D14 Durian Mousse
奶冻口感系硬雪糕口感，带有浓郁榴梿味，奶冻上面有香滑鲜忌廉，伴碟仲有大大件嚟自泰国D14金枕头榴梿肉喺度，榴梿肉饱满软滑，味道清甜带点酒味，令人齿颊留香。
草莓乳酪西米 - Strawberry Yogurt With Sago
草莓乳酪草莓味浓郁，味道酸酸甜甜，配上晶莹剔透嘅西米，口感有弹性，冻草莓乳酪同西米食起嚟好清爽，两者味道好夹。
芒果班戟 - Mango Pancakes
班戟皮好薄，口感带有层次，包住味道鲜甜菲律宾吕宋芒既芒果肉同埋香滑奶油廉忌，厚厚嘅芒果肉大份足料，味道唔错。
张贴
