雲魅 (已結業)

过桥米线套餐 $88呢个餐由汤底、肉类、面底都有得比你拣。汤底可选特色汤(酸辣汤)或者番茄汤；肉类可选肥牛🐮或猪腩片🐷；面底可选七彩面或米线。过桥米线用砂锅去维持热度，汤底一上枱仲系滚热状态，热气冒出♨️，三至五分钟后虽然已经无沸腾嘅气泡，但都足以整熟肥牛。食材分开上枱，自己动手按先生后熟的顺序放左汤内完成过桥米线。我拣左特色汤、肥牛、七彩面呢个组合，上菜时仲配有五颜六色共🔟种配菜，分别有鹌鹑蛋、餐肉、鱼腐、车厘茄、粟米、酸菜、响铃、炸酱、酥肉、芫茜葱，份量多少随自己决定，仲有得自己动手摆盘，有得影相📸️打卡又有得玩有得食😁。🌶麻辣鬼味鸡米线(可配饭) $78尝辣人仕必试！辣味被汤冲淡下都食到出晒汗，配饭嘅话吸晒辣汁真系不得了。以上餐点均附有前菜一款及饮品一杯，前菜份量真系唔少，加上坐位阔落环境干净卫生，所以价钱尚算合理。