影片
更多
2024-09-03
144 浏览
今次去到旺角楼上嘅居酒屋，虽然地点于旺角但绝对唔系廉价居酒屋，反而系打卡同食物质素都兼备，价钱方面亦都非常合理值得同大家推荐。———————————————🌟盐板和牛烧 $138呢道菜用上超大块喜马拉雅山粉红岩盐板嚟烧和牛，睇见已经好吸引。牛肉烧得啱啱好，外层有微微焦香，而入面仲保持住嫩滑多汁嘅质感。岩盐慢慢溶入牛肉中，带出天然嘅咸香，味道层次感好强，食落有种入口即溶嘅感觉，食完真系回味无穷。🌟和牛汉堡 $68呢个和牛汉堡相当出色，用铁板烧香嘅和牛配上酱油渍蛋黄，入口系浓郁嘅牛味加上蛋黄嘅滑溜，仲有底层嘅洋葱提鲜，味道层次非常丰富，呢个价钱可以食到咁高质素嘅和牛汉堡，绝对值回票价。🌟烧比目鱼 $68烧比目鱼系另一个推介，鱼肉本身非常鲜嫩，鱼皮烧得香脆，连皮带肉一齐食最过瘾。鱼肉入口即溶，味道清甜。🌟照烧鱿鱼 $78照烧鱿鱼新鲜弹牙，照烧酱汁甜中带咸，味道非常平衡，每一口都好惹味。🌟海胆茶渍饭 $78海胆茶渍饭真系超值选择，唔单止78蚊就有足量嘅海胆，仲系鲜甜冇苦味，倒入茶后连同芥末味道，香气十足。🌟自家制樱花啫喱呢款自家制樱花啫喱真系打卡一流，啫喱入面仲真系有樱花，食落唔会太甜，带有淡
今次去到旺角楼上嘅居酒屋，虽然地点于旺角但绝对唔系廉价居酒屋，反而系打卡同食物质素都兼备，价钱方面亦都非常合理值得同大家推荐。
———————————————
🌟盐板和牛烧 $138
呢道菜用上超大块喜马拉雅山粉红岩盐板嚟烧和牛，睇见已经好吸引。牛肉烧得啱啱好，外层有微微焦香，而入面仲保持住嫩滑多汁嘅质感。岩盐慢慢溶入牛肉中，带出天然嘅咸香，味道层次感好强，食落有种入口即溶嘅感觉，食完真系回味无穷。
🌟和牛汉堡 $68
呢个和牛汉堡相当出色，用铁板烧香嘅和牛配上酱油渍蛋黄，入口系浓郁嘅牛味加上蛋黄嘅滑溜，仲有底层嘅洋葱提鲜，味道层次非常丰富，呢个价钱可以食到咁高质素嘅和牛汉堡，绝对值回票价。
🌟烧比目鱼 $68
烧比目鱼系另一个推介，鱼肉本身非常鲜嫩，鱼皮烧得香脆，连皮带肉一齐食最过瘾。鱼肉入口即溶，味道清甜。
🌟照烧鱿鱼 $78
照烧鱿鱼新鲜弹牙，照烧酱汁甜中带咸，味道非常平衡，每一口都好惹味。
🌟海胆茶渍饭 $78
海胆茶渍饭真系超值选择，唔单止78蚊就有足量嘅海胆，仲系鲜甜冇苦味，倒入茶后连同芥末味道，香气十足。
🌟自家制樱花啫喱
呢款自家制樱花啫喱真系打卡一流，啫喱入面仲真系有樱花，食落唔会太甜，带有淡淡嘅樱花清香，非常特别。
🌟富士山红葡萄汽水 $38
富士山红葡萄汽水嘅樽超似饮红酒，饮落比较甜，但系𠮶种甜好自然，真系好似食紧提子咁，非常好饮。
🌟赤米Red Rice Ale $58
呢款日本手工啤酒用特选赤米酿制而成，饮落有浓郁嘅麦香，仲带有少少微甜嘅果香，系一款值得一试嘅手工啤。
🔸整体食评🔸
呢间餐厅整体感觉好舒服，食物质素同价钱都好令人满意。不过大家记得要事先预约，因为部份菜式限量供应，食材需要提前预订。
张贴
