青花 (THE FOREST)

今日去咗旺角一间叫「青花 The Forest」嘅泰国餐厅食晚餐，餐厅嘅装修充满田园风味，座位阔落，可能因为地理位置方便，平日嘅晚市都座无虚席，建议大家预先订位。餐厅采用QR code落单，上菜嘅速度都几快，而且每一碟嘅份量都好多，非常足料！🍊泰式虎虾金边粉金边粉味道带微甜，唔会炒到好湿，配料嘅青柠、炒蛋、芽菜同韭菜都丰富咗金边粉嘅味道层次，主角有两只大虎虾，而且系开边煎，所以只虎虾好入味，口感爽口弹牙又冇雪藏味🍊炭烧牛猪双拼串烧沙嗲沙嗲串烧都几出色，猪肉串同牛肉串双拼，各有三串，肉质唔会烧得太嚡身，食落仲有一阵阵嘅炭烧味，配埋香浓花生味嘅沙嗲酱一齐食好夹🍊炭烧猪颈肉烧猪颈肉嘅份量都好多，每一片嘅厚薄适中，唔会烧得太干身，单独食会食到炭烧嘅味道，配埋酸辣青酱就带有微酸同微辣，食落几开胃🍊马拉盏炒芥兰份量非常足料，用咗马拉盏同红虾米去炒芥兰，味道非常惹味，芥兰食材新鲜，食落去爽口清脆🍊泰国奶茶奶冻呢个甜品非常有泰国特色，用咗泰国风嘅特色铁碗，底层系由泰国奶茶制成嘅奶冻，每一啖都充满浓郁嘅茶味，味道偏甜；上层铺满粒粒凉粉啫喱加一层顺滑嘅奶盖，中和底部嘅甜度，口感层次丰富📍旺角奶路臣街17号