長阪燒

营业中

休息中

今日去咗旺角一间叫「长阪烧 」嘅餐厅食晚餐，餐厅有吧枱位同卡枱位，吧枱位近距离欣赏师傅嘅备餐过程，餐厅嘅侍应上菜时会介绍菜式，服务唔错。🍊 三点刺身刺身有三款高级嘅食材，包括目仁奈、金目鲷同熟成拖罗，目仁奈属于白鱼，鱼肉结实弹牙，鱼味极浓；金目鲷属于白鱼，鱼皮鲜红而带金色嘅光泽，鱼肉鲜嫩；熟成拖罗后嘅脂肪丰厚，入口即溶，味道浓郁🍊 云丹炙烧和牛小砵小砵内有炙烧和牛片、三文鱼籽、海胆同珍珠饭，口感层次丰富，和牛烧完之后肉质软熟，酱油加上三文鱼籽同海胆嘅鲜甜味令到味道好丰富🍊 法国鹌鹑脾风干鹌鹑脾嘅份量唔算多，上菜时有个盖冚住，打开有烟飘出嚟，食落都有淡淡嘅烟熏味，鹌鹑脾烧完之后肉质仍然好柔嫩，旁边有苹果醋可以做条味🍊 博多系列苹果卷系博多系列之一，一片豚肉包裹着一块苹果片再烧，苹果烧完之后甜度更加突出，薄薄一片豚肉厚薄啱啱好，上面配有酸酸地嘅柚子酱，食落酸酸甜甜好开胃；豚肉包住椰菜仔，烧完之后嘅椰菜仔仍然保持到多汁清甜；卷虾系用豚肉包住紫苏叶同生虾，令到外层同入面嘅口感都唔同；蒜心卷系用豚肉包住一束香葱，造型好似蒜心一样，香葱嘅味道非常清甜，口感爽脆多汁🍊 烧鸡皮风干鸡皮嘅做法令到鸡皮食