JK Brother’s (已結業)

好耐无食过放题了！呢间放题见网上评价唔错，位置系佐敦又都算就脚，就约埋朋友黎开餐～一坐低，就开始嗌野食，呢度比较先进，系唔洗画纸，直接用手机QR Code就可以落单见好多人都有嗌酱油虾同韩式活章鱼刺身，梗系都要试下。第一次食酱油虾，无我想像中咁咸，仲食到虾既鲜味，不错～活章鱼之前系韩国食过，估唔到呢度既章鱼仲生猛过我上次食既，超新鲜，建议唔怕既人可以嗌黎试下有韩式野食，亦都有日式野食，嗌左一堆寿司同刺身，个人觉得火灸系列最好食～串烧要左牛舌、鸡肉棒、蕃薯仔，牛舌好食，肉质唔错，香而不韧！！！炸鸡做得都几好，仲keep到肉汁，配埋个酱汁，有少少甜味，好韩风同埋佢呢度好好系全部野食都可以一件咁上，包括炸鸡、饺子个啲，可以控制返个份量，无咁容易饱，可以试多几款野食，我觉得好贴心～饮品、甜品真系好多选择！！最惊喜系有麻糬同马卡龙，仲有劲多味拣！！！我食个个抹茶味既麻糬里面系流心既，几浓抹茶味，正另外仲有个雪糕雪条柜，都有好多选择，不过我太饱所以就无食到喇～