樂天經典 (奧海城二期)

营业中

休息中

早几日约左两个朋友睇戏，睇戏之前谂住先填饱个肚，咁岩见到呢间乐天经典。佢主打南洋风既新式中菜，听落好特别，所以就决定试下！由最好食个个讲起，就系呢个黄金咸蛋虾球啦！呢一两年咸蛋兴起，好似咩野食都中意加下咸蛋咁，但就好少整得好食。呢个黄金咸蛋虾球真系整得咸、香、酥，好浓咸蛋味之余，又仲食到虾既鲜味同弹性，系我最满意既一道菜。呢个虾酱鸡翼都非常好食，虾酱味唔算太重，但好香口，鸡翼亦好脆，而且份量话就话系「小」，但都有好多只！海蜇头系前菜，爽口，好开胃。铁板豆腐嫩滑，下面铺左层薄蛋饼，几特别。扣肉包系我朋友嗌的，佢话好食，但如果旧肉肥肉既部分再多少少会更好XD最后系呢个老鼠粉煲，份量真系大到吓亲我！我地三个女仔知自己细食，已经特登嗌左「小」（佢仲有「中」／「大」可以拣），但都系食唔哂！！女仔黎计既话，佢至少有四人份量里面除左老鼠粉之外，仲有好多料——虾、咸鱼、蛋……等等。呢个老鼠粉煲都几好食，不过因为食落偏咸，所以会比较容易「漏」，真系至少有三四个人先好嗌呢道菜呀！