Chullschick

营业中

休息中

由秘鲁人开设既秘鲁烤鸡店。店舖装潢富有秘鲁风情。❈ Ceviche Clasico 秘鲁生渍鱼 HK$155秘鲁生渍鱼系将法国海鲈鱼切碎以虎奶汁、洋葱、青柠汁调配而成。海鲈鱼唔系切得好碎，一粒一粒咁食易入口，味道酸酸地几开胃。 ❈ Pollo A La Brasa (Half) 招牌秘鲁烤鸡(半只) HK$145招牌秘鲁烤鸡既lunch set有四分一只或者半只选择，因为我地有三个人 就拣咗半只。另外配菜就可以拣两款，我地拣咗烤蕃薯同薯条。秘鲁烤鸡，鸡系以传统方式腌制用烤鸡炉烤至皮脆肉嫩。配菜亦都好出色，烤蕃薯好香好饱肚。 ❈ Grilled Chorizo 烤西班牙香肠 HK$120西班牙猪肉肠带有咸香加上阿根廷青酱更加惹味。因为系lunch set，所以可以加一份配菜，我地拣咗薯条。❈ Peruvian Beef Empanada 秘鲁特色牛肉馅饼 HK$128呢个特色馅饼除左牛肉之外，仲有海鲜同芝士。我地呢次就食牛肉馅饼，馅饼既饼皮厚度与硬度适中，而且入面有份量十足既免治牛肉、鸡蛋、洋葱，配埋阿根廷青酱一齐食，非常惹味有特色。