圓點工房

营业中

休息中

【沙田区】【圆点工房】唔知大家仲记唔记得好耐之前我同大家讲过我会去㘭背湾街附近唔同嘅工厦做嘢，要喺𠮶边食埋嘢先走。初初𠮶时有请教过大家嘅意见，但系我发脾气铲咗手机冇咗张 cap 图，所以仅凭我嘅记忆嚟揾嘢食，爱在记忆中找你咁。趁呢个走访不同工厦嘅情况，就顺便开埋 1am火炭工业区 系列畀大家做个参考。嗱，我唔系鼓吹大家以外来人身份特登走入去食，因为工厦食堂都只系可以 serve 喺𠮶幢大厦工作嘅人，好似我咁都系去边幢做嘢就喺𠮶幢度拣。去到华乐工业中心，已经系近骏洋邨𠮶边，上 3 楼就有呢间 Canapés Room 可以食。第一次去因为做嘢晏咗就食下午茶「汉堡系列」，「芝士牛肉」汉堡都几好食，加埋薯角同「冻柠茶」走甜先 $49，以呢个质素嚟讲算抵食。过咗几日又喺𠮶度做嘢，今次试埋午餐嘅「德国原只咸猪手配蜜糖芥末酱」，呢个系有位读者朋友介绍，我忘记咗佢系咪都系 foodie 嚟，不过都算好食㖞。份餐配埋「薯角」，上次都食过，都系几好嘅，今次保持水准。佢仲有餐包蒜蓉多士，不过餐汤好似话冇晒，冇所谓啦，饮埋杯「冻柠茶」少甜，咁样 $79 都唔算特别贵。总括而言，我觉得以返工嘅工厦食堂嚟讲，佢