恆香冰室

营业中

休息中

【沙田区】【恒香冰室】又同东尼哥食饭，每次同佢食饭都系会大家互相就地方，而每次都会喺石门。趁呢单唔系 job，可以讲多少少，东尼哥系一位我人生里面难得地可以令我心悦诚服嘅朋友，学问渊博之余，工作能力亦相当强。而且佢好支持我做嘅所有嘢，又喺我低潮时扶持我。同呢位益友食饭亦都唔需要大张旗鼓，求其食吓茶餐厅都得。佢食咗个 $58 嘅午餐 D，即系「香浓咖哩焗牛腩配饭」，睇个样都几浓几好食，问咗佢佢都觉得唔错。而嘢饮方面佢就加 $3 饮「冻咖啡」，咁多年佢都系呢个选择，经验丰富嘅佢话杯嘢唔差。我就对啲午餐提唔起兴趣，最后叫咗 $70 嘅「芝士忌廉黑椒焗牛魔王饭」，劲邪恶嘅选择。佢呢度所谓嘅牛魔王，即系牛仔骨同牛扒，肉量够多，正。嘢饮方面我都系饮冻饮，加 $3 饮「冻柠茶走甜」，okay 嘅。夹埋张单系 $137，两个人嚟讲正正常常啦。。。（地址：沙田石门安群街1号京瑞广场2期地下G08号舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：中西区：1am1263#1amfoodie #foodie #hkfoodie #thatfoodi