牛角Buffet (好運中心)

营业中

休息中

【沙田区】【牛角Buffet】其实呢间嘢我相信大家都食过，不过同之前寿司郎一样，我惊如果我唔再写吓，新嘅读者又会以为我未食过，哈哈。不过又咁讲，沙田好运中心开咗呢间分店之后，我都真系第一次食，所以「未食过」呢个讲法都错唔晒嘅，咁我系第一次食呢间分店吖嘛。而沙田嘅任食日式烧肉本身选择都唔多，好运中心装修咗之后就加入咗呢间「牛角Buffet」，都几受欢迎。今次我系同两位旧同事自费食 $438 嘅「严选美国和牛烧肉放题」，叫晒啲靓肉返嚟系咁食，任食就系有呢个好处，想食嘅话就即管狂叫，唔使留力。牛角嘅肉类一向都有质素保证，所以味道就真系唔差。不过自己年纪大咗，好多情况之下嘅任饮任食都已经食唔得多，除非真系状态好好。三个人连埋会员折扣优惠，埋单 $1148.3，食个饭嚟讲就真系唔平，不过讲紧嘅系有质素嘅任饮任食日式烧肉，算啦。。。（地址：沙田横壆街1-15号好运中心3楼3078-3079号舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：油尖旺区分店（雅兰）：1am0208深水埗区分店：1am0210油尖旺区分店（美丽华）：1am059