皇后餃子 (已結業)

【沙田区】【皇后饺子】之前喺 1am0500 已经写过佢湾仔店，仲被饮食达人 Miss Ding 话我讲杯 $5 嘅冻豆浆都要用一句嘅篇幅，相当有趣。点知间嘢最近新开埋过嚟沙田，我梗系要去试吓，毕竟都算叫做近我屋企，冇理由食都唔食吓咁得意嘅。首先入到去就觉得周身唔聚财，环境唔算非常整洁之余，冷气亦都欠奉，隔离枱有个客都好似好热咁，唔止我咁认为。不过我本住一个排除万难都要为读者提供资讯嘅心，就顶硬上，最多叫杯冻饮，然后嗱嗱声食完走嘅啫。上次食咗饺子，今次叫个佢哋嘅「精选套餐」嚟玩吓，主食嘅「招牌皇后粉面」我拣咗「南乳猪手汤面」，个面转河粉。有个优点就系佢哋个猪手会另上，保持到南乳味，缺点系其实味道上都唔系话太过突出，另上都冇乜用。套餐配「小食」，我要咗「炸云呑」，比想像中细只，其实味道都唔会食到啲乜，细细粒冇特别。而佢仲有「凉拌两款口味」，系「陈醋云耳」以及「麻辣青瓜」，我不嬲唔多好呢啲凉菜，所以都冇乜感觉，可能有人中意。个餐仲有「冻热饮品」，咁餐饮方面因为第二段提及过嘅餐厅温度问题，而且又喺湾仔店饮过「冻豆浆」，所以我要咗「冻柠茶」少甜，都系一般咁啦，本身都冇期望啲乜就冇失望。不过咁样