影片
更多
2024-06-28
573 浏览
【沙田区】【袁记云饺】我一向都好中意食饺子，之前都同大家试咗好多间、食咗好多间，不过依然未有机会食呢间已经开到周围都系嘅饺子店。喺石门见到佢，时机成熟喇，就不如入去食啦。入到去都系比较简约嘅用餐方式，有啲似内地嘅形式，有唔同嘅套餐组合，等我谂谂先。最后我就拣咗一款唔可以跟套餐嘅嘢食，就系 $52 嘅「全家福饺子」，汤底就拣「广式鲜汤」。本嘢有12只饺子，感觉系每只味都各有两只咁样。而所有嘅饺子都声称系新鲜包起、即叫即煮，我就冇刻意去证实呢样嘢，不过味道上，几款都可以话系各有特色。饮品我拣 $13 嘅「鲜榨玉米汁」，佢系热嘅，不过放一阵之后，摊冻少少先饮都几易入口。总而言之，成餐饭嚟讲，虽然味道上我觉得唔差，埋单 $62 嘅价钱亦都唔算劲过份，但系唔知点解就硬系提唔起劲想话再食多一次咁，或者系因为知道佢系连锁店啦。。。（地址：沙田石门安群街1号京瑞广场2期地下G12号舖）
最后我就拣咗一款唔可以跟套餐嘅嘢食，就系 $52 嘅「全家福饺子」，汤底就拣「广式鲜汤」。本嘢有12只饺子，感觉系每只味都各有两只咁样。而所有嘅饺子都声称系新鲜包起、即叫即煮，我就冇刻意去证实呢样嘢，不过味道上，几款都可以话系各有特色。
饮品我拣 $13 嘅「鲜榨玉米汁」，佢系热嘅，不过放一阵之后，摊冻少少先饮都几易入口。总而言之，成餐饭嚟讲，虽然味道上我觉得唔差，埋单 $62 嘅价钱亦都唔算劲过份，但系唔知点解就硬系提唔起劲想话再食多一次咁，或者系因为知道佢系连锁店啦。。。
（地址：沙田石门安群街1号京瑞广场2期地下G12号舖）
张贴
