袁記雲餃

营业中

休息中

袁記雲餃係內地嘅飲食公司咁佢喺香港開分公司都一段時間因為唔就腳，我都好少親身去到嗰頭食嘅今次呢就嗌外賣，叫咗呢一個嘅鮮蝦蝦子雲吞入邊充滿着鮮蝦同埋蝦子 10分足料我係嗌咗呢個嘅網紅雙混醬 係紅油混芝麻醬 加埋一齊係幾出色另外因為運費唔夠嘅關係仲嗌咗一份一磅嘅生料大概都有20隻如果喺屋企嘅話嗌生料自己再煮嘅話係最抵食嘅

【沙田區】【袁記雲餃】我一向都好中意食餃子，之前都同大家試咗好多間、食咗好多間，不過依然未有機會食呢間已經開到周圍都係嘅餃子店。喺石門見到佢，時機成熟喇，就不如入去食啦。入到去都係比較簡約嘅用餐方式，有啲似內地嘅形式，有唔同嘅套餐組合，等我諗諗先。最後我就揀咗一款唔可以跟套餐嘅嘢食，就係 $52 嘅「全家福餃子」，湯底就揀「廣式鮮湯」。本嘢有12隻餃子，感覺係每隻味都各有兩隻咁樣。而所有嘅餃子都聲稱係新鮮包起、即叫即煮，我就冇刻意去證實呢樣嘢，不過味道上，幾款都可以話係各有特色。飲品我揀 $13 嘅「鮮榨玉米汁」，佢係熱嘅，不過放一陣之後，攤凍少少先飲都幾易入口。總而言之，成餐飯嚟講，雖然味道上我覺得唔差，埋單 $62 嘅價錢亦都唔算勁過份，但係唔知點解就硬係提唔起勁想話再食多一次咁，或者係因為知道佢係連鎖店啦。。。（地址：沙田石門安群街1號京瑞廣場2期地下G12號舖）

太耐冇寫食評啦，今日終於食咗打入香港已一段時間嘅大陸品牌袁記雲餃，仲越開越多分店。食物方面，佢冇一般港式或者粵式嘅雲吞麵神髓，唔係粵式嘅雲吞湯底，覺得湯底好味精好假，而唔係佢店內的poster 寫話湯底熬製兩小時，食完之後覺得超口渴，怕食味精的人要小心！仲有佢嘅雲吞皮明顯比粵式雲吞皮偏厚，麵就唔係鹼水麵，而是蛋麵。所以如果想追求粵式雲吞麵嘅話，呢間應該做唔到你想要嘅味道。價錢方面，佢嘅性價比唔高，雖然佢嘅雲吞麵有六粒雲吞，但$50 實在有d 貴，配埋杯粟米汁可以減$3, total就要$60, 但值得一讚嘅係佢嘅粟米汁飲得出係榨出來嘅。佢隔離間樂園魚蛋店嘅雲吞麵都只係$36。好彩我食之前都冇咩期望嘅，真係試一次就夠了！

喺石門想食個輕便嘅午餐唔使等位，直接有得坐叫咗個辣嘅韭菜餃不過不失啦，普通餃子不過都50幾蚊另外我屋企人叫咗個韭菜雲吞其實好似同餃子差唔多，不過細粒啲見佢門面都係一般設計，我諗都係賺街坊生意

石門新開左間餃子舖 見排晒長龍就入去試吓啦咁嗰陣時 嗌咗韭菜餃同粟米豬肉餃揀咗蒜蓉撈同湯我自己覺得蒜香會好食少少但係都要自己加醋辣椒油咁會比較有味道啲嗰陣時淨係可以比八達通冇得比信用卡Apple Pay有啲麻煩然後再試喺屋企叫多次外賣唔知點解外賣反而有12隻味大包圍嘅選擇但堂食係冇嘅咁嗰個大包圍嘅就會多啲選擇啦每一隻味都試到咁食落我自己比較鍾意食有冬菇嗰個 由今次嗌咗湯 都OK嘅 食落去暖笠笠但係我會話冇特別囉 同其他餃子舖差唔多

之前經過見到好多人排隊以為好好食，今日就入去試下啦！其實都係買大細心態。叫左一碗淨韭菜豬肉餃同一碗淨招牌蟹子鮮蝦雲吞：韭菜豬肉餃--比其他上海餃子係皮薄D，味道沒有太大驚喜，餡少左D。招牌蟹子鮮蝦雲吞--加左蟹子係比其他鮮蝦雲吞提升左口感層次，可惜對味道冇幫助，有興趣可試，但吾特別！個人覺得吸引之處係新鮮即包同食法可配搭不同湯/干拌醬，今日只選雞湯係想食到原味。只於環境就一般，超級快餐，吾好有期望，好逼，勁搭枱，不想搭枱就吾好去。

星期日中午嚟到馬鞍山石門站。石門站開了很多新嘅食店一出石門站，約了朋友行街飲茶.飲完茶後見到綠色招牌，很多由於門口排隊，原來是即包即做雲吞。見店內有幾個熟手的姐姐投入的在包雲吞。櫥窗內有各式各樣的雲吞。例如蝦雲吞菜肉雲吞、香菇木耳雲吞、鮮肉雲吞等等。眼見都有10樣以上👍收費都是$52.元1磅或者可以店內吃。店內雖小五臟俱全可供入內進食，點餐。普通單點$38元。呢個價錢可以接受👍但因為剛剛飲完茶，故沒有進入食。只是購買回家晚上煮來食😄回家校慢慢煮了個湯底再加入雲吞十分之好味😁🥰

一入到去全部大陸人，座位唔好坐。其實啲餃子都好好普通，同有d街市見到嘅餃子都差唔多，只係加咗啲醬，冇咩特別。如果要排隊就唔需要去食。去到店附近，同去去大陸冇咩分別😂。

過門而不能入(堂食)第一次，晚上七時，已經不做熟食，只買生餃。第二次，被外賣需要落單，拿住餐牌，塞曬喺門口。要進入舖內，完全行不到入舗。第三次，終於成功中午12點半，可以攝到入去堂食。 環境逼夾，四人枱，只要兩個人坐在靠路椅，四人枱即刻變二人枱，完全不能再坐進入邊。 醬料自助吧，形同虛設，完全行唔到入去。 手寫單，電子貨幣仲未駁線，落好單後才通知客人要現金交易。 食物數量經常錯誤，聽左幾次，欠數餃子數。 老闆最初鋪頭設計，錯誤將櫃枱，放在轉彎最角落，落外賣嘅客人需要推門經過非常之窄，員工出熟食嘅小巷，容易碰撞產生危險。落完單又要企喺熱辣辣嘅路邊等候。 要套餐冇套餐，冇飲品，小食亦大部分未有貨。晚上七點前，買生餃回家算吧。 要熟食真係好混亂。 至於味道，因為環境實在太逼，不過不失。