克茗冰室

营业中

休息中

【油尖旺区】【克茗冰室】讲呢间嘢系有趣嘅，喺大陆扮港式茶餐厅然后再开嚟香港，感觉就好似啲「港式豉油西餐」开去外国一样。上次见呢间嘢系喺中山，用晒港铁啲 logo、香港街牌等等嚟做装修，𠮶次就冇食到佢嘅。然而，今次喺尖沙咀见到佢，既然有机会就食一次啦，冇嘢嘅。叫个「皇牌常餐」，要 $52 嘅「黯然销魂叉烧面」，啲叉烧系好难食嘅猪肉，个面就系正常公仔面，冇乜特别。配菜系多士、煎蛋，我转咗炒蛋，多士都系正常水准，不过不失。而啲蛋系炒得滑嘅，只可惜食落系毫无蛋味，我唔明究竟点样整呢只蛋出嚟。餐饮加 $7 可以转「小熊柠檬茶」，我要咗少甜少冰。其实都系整色整水嘢，对杯嘢饮嘅味道毫无帮助，影相打咭就有用咁解。反而我另外叫咗份「有脆小食」，叫咗 $19 嘅「旧金山西多士」，西多夹咸蛋黄，呢个就有新意喇。埋单 $78，唔太推荐大家去食。。。（地址：尖沙咀宝勒巷21-23号地下1号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #t