大師傅粥品 (金馬倫道)

营业中

休息中

【油尖旺区】【大师傅粥品】继续努力于 1am红馆 系列，尖东𠮶边其实仲有好多餐厅可以写，可惜嘅系都唔系每一间都啱一个人食，导至选择数量收窄。不过今次写嘅呢间餐厅系粥舖嚟，附近都好似冇乜呢类型嘅餐厅，而呢间亦都开咗一段时间，做得住即系质素唔会太差挂，食吓先。入去就觉得乌烟瘴气，啲枱櫈乱咁摆，啲客又坐得乱，仲要得一个侍应做嘢，根本处理唔切。等咗好耐先叫到人嚟抹枱同叫嘢食，先叫 $31 嘅「艇仔粥」，估唔到都几差，粥底差，啲𩠌又唔好食。我之前食过佢哋嘅大围分店，明明𠮶间唔差㗎㖞，乜搅成咁。跟住碟 $23 嘅「牛肉肠粉」都系好一般，胜在系热嘅。跟住叫 $12 嘅「油条」，我就真系未食过咁难食嘅油炸鬼，又腍又靱又冇味，都几难哽。反而嘢饮 $10 枝「豆浆」几抵，冇嘢好讲。埋单 $76，游客食著呢间真惨，推荐西环「心满意粥」，呢间正。。。（地址：尖沙咀金马伦道15号地下B号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #ta