影片
更多
2023-05-01
146 浏览
【油尖旺区】【川婆婆】我之前同一位朋友食过佢哋铜锣湾𠮶间快餐式嘅面店，感觉都唔错。过咗一年左右嘅近期，我作为一只八卦精，都收到啲风，好多后生仔女年轻人圈子都几中意食呢间川婆婆。所以我收到邀请之后就直接夹个食辣朋友陪我去。去到先知原来系食佢哋个「茶底辣卤串串火锅放题」，净系睇个名都吸引，原来个汤底系茶底，就算加汤都系加花茶，非常特别。而我哋食「鸳鸯双拼锅」系有「茶底麻辣锅」同「养生菌王鸡汤」，适合埋唔太食辣嘅我。佢有三款套餐可以食嘅，我哋就拣咗 B 餐，即系「新鲜农场靓牛串串套餐」，每位有「牛颈脊」、「牛小排」同「SRF 和牛肉眼边」三拣一同埋「时令海鲜」，即系圣子、海虾、大蚬，价钱系 $298 一位，未知抵唔抵。除咗边炉，火锅隔离仲有烧烤板，好方便，即系啲任拎任食嘅串串唔止可以整麻辣烫嚟食，仲可以烧烤，由客人自己衡量。我觉得呢个设计几好，尤其有时食到迷吓迷吓可以换吓花款，啲肉片类可烧可渌，好似食紧两餐饭咁。最特别嘅几款应该系「韮菜牛肉」、「芫茜牛肉」、「羊肉粒」同「炸豆卜」，两款牛肉同啲配菜一齐食好正，羊肉粒够膻香，个豆卜放入麻辣汤底索晒啲汁，食到爽歪歪。另外，啲「蟹柳」同「响铃」都属
去到先知原来系食佢哋个「茶底辣卤串串火锅放题」，净系睇个名都吸引，原来个汤底系茶底，就算加汤都系加花茶，非常特别。而我哋食「鸳鸯双拼锅」系有「茶底麻辣锅」同「养生菌王鸡汤」，适合埋唔太食辣嘅我。
佢有三款套餐可以食嘅，我哋就拣咗 B 餐，即系「新鲜农场靓牛串串套餐」，每位有「牛颈脊」、「牛小排」同「SRF 和牛肉眼边」三拣一同埋「时令海鲜」，即系圣子、海虾、大蚬，价钱系 $298 一位，未知抵唔抵。
除咗边炉，火锅隔离仲有烧烤板，好方便，即系啲任拎任食嘅串串唔止可以整麻辣烫嚟食，仲可以烧烤，由客人自己衡量。我觉得呢个设计几好，尤其有时食到迷吓迷吓可以换吓花款，啲肉片类可烧可渌，好似食紧两餐饭咁。
最特别嘅几款应该系「韮菜牛肉」、「芫茜牛肉」、「羊肉粒」同「炸豆卜」，两款牛肉同啲配菜一齐食好正，羊肉粒够膻香，个豆卜放入麻辣汤底索晒啲汁，食到爽歪歪。另外，啲「蟹柳」同「响铃」都属正常水准。
反而有啲失望嘅系「羊杂」同「鹅肠」，前者可能我煲得太耐有啲靭，后者我煮完都系冇乜味，达唔到期望嘅高度。不过，用返「牛栢叶」、「牛黄喉」、「鸡髀菇」、「腐皮」、「台湾肠」同「午餐肉」食麻辣汤底坚正。
最后玩个「鱼皮饺」，又煎又灼，好过瘾，见到「吊桶仔」又忍唔住食埋，都 okay。食辣不得不提饮品，玻璃樽汽水都几齐，第一次见玻璃樽红茶花伝，仲有罐装 OOHA 同加多宝，都系任饮。回应返第三段嘅问题，我觉得系抵食嘅。。。
（地址：尖沙咀宝勒巷26-36号地舖）
#1amfoodie #foodie #thatfoodiething #food #instafood #globaleats #followforfollowback #love #eat #1am油尖旺区 #尖沙咀 #尖东 #红磡 #1am红馆 #川婆婆 #宝勒巷 #川菜 #四川菜 #茶底辣卤串串火锅放题 #新鲜农场靓牛串串套餐 #牛颈脊 #牛小排 #SRF和牛肉眼边 #时令海鲜 #鸳鸯双拼锅 #麻辣烫 #串串 #1am0761 #1ambackup
9 浏览
0 赞好
0 留言
张贴
