螢火

【油尖旺区】【萤火】为庆祝 1amfoodie 成立四周年，去咗公司附近嘅呢间「铁板烧+omakase」餐厅食晚饭。佢哋有个天灯许愿设备，可以自己写或者画天灯内容，然后再播放动画，我都有玩，非常有趣。佢哋仲做紧「萤火清酒祭多重优惠」，叫唔同嘅套餐就有唔同嘅优惠。我就试 $1380 嘅「晚市厨师发办十六品」，优惠系「全日指定清酒免费任饮（午餐 90 分钟，晚餐 120 分钟）」，好抵呀，我都饮咗好多。讲开优惠，呢个晚餐佢哋仲做埋「二人同行，一人免费」添，我同朋友两个人去，都只系需要畀一个人价钱，平好多。先试「前菜」嘅萤光鱿鱼配柚子面豉酱，好开胃好正。之后「刺身五品」有日本白象拔蚌、北海道海胆、银鳕鱼BB、深海池鱼同埋肥拖罗，好新鲜，各有特色。然后到「煮物」，系煮鲍鱼，肉厚得嚟唔靱，正。份「烧物」系黄金酱烧广岛蚝，食落劲邪恶。跟住系「寿司五品」，有北海道带子寿司，洒咗柚子皮喺面更加出味。新鲜赤贝寿司加少少柠檬汁就新鲜咗咁，之后嘅金目鲷好鲜好软熟。左口鱼配左口鱼边就玩多重口感，烧肥拖罗就都系咁肥美咁强油脂感。沿途食啲伴碟嘅咸菜、饮啖茶，油腻感尽消。呢个时候师傅畀埋「手卷」，系拖罗海胆鱼子手卷