佐敦串燒

营业中

休息中

【油尖旺区】【佐敦串烧】今次叕系同道歉哥经过佐敦𠮶边揾嘢食，大家有睇开我嘅都好清楚我哋喺佐敦揾嘢食嘅过程系几无奈。咁毕竟近庙街𠮶头就真系游客区，无谓同啲游客一齐感受香港嘅好客之道。呢餐系发生系夜缤纷之前，大家明系咩状态。见到呢个串烧档觉得都可以，就去叫嘢食。原来系自助形式，所以好难 mark 低自己攞咗乜。粗略估计有 $15 嘅「猪腩肉」、$13 嘅「鸡肉」、$20 嘅「羊肉」，各 $16 嘅「猪颈肉」同「牛肉」。点解讲到咁惨，因为有几串味道真系差唔多，食咗好似唔知食过乜咁。特别有印象嘅系 $16 嘅「烟肉肠」，因为几好味。另外 $18 嘅「牛舌」都可以，只系略嫌焦咗啲。最特别系「鸡子」，唔知几钱，但系好爽，烧得好鬼正。食串烧就点都要有啲嘢饮吓，我叫咗 $10嘅「王老吉」，道歉哥叫咗 $8 嘅「可口可乐」，味道上就冇咩好讲。而道歉哥喺隔离蔡记买咗碗酸辣粉，都系可以坐喺度食嘅，算系多啲变化，又可以饱啲。埋单 $157，唔贵嘅价钱。。。（地址：佐敦吴松街98号地下C号舖）#1amfoodie #foodie #hkfoodie #thatfoodiething #hkfood #food