影片
以上资料只供参考，请与餐厅确认详情
【油尖旺區】【佐敦串燒】今次叕係同道歉哥經過佐敦嗰邊搵嘢食，大家有睇開我嘅都好清楚我哋喺佐敦搵嘢食嘅過程係幾無奈。咁畢竟近廟街嗰頭就真係遊客區，無謂同啲遊客一齊感受香港嘅好客之道。呢餐係發生係夜繽紛之前，大家明係咩狀態。見到呢個串燒檔覺得都可以，就去叫嘢食。原來係自助形式，所以好難 mark 低自己攞咗乜。粗略估計有 $15 嘅「豬腩肉」、$13 嘅「雞肉」、$20 嘅「羊肉」，各 $16 嘅「豬頸肉」同「牛肉」。點解講到咁慘，因為有幾串味道真係差唔多，食咗好似唔知食過乜咁。特別有印象嘅係 $16 嘅「煙肉腸」，因為幾好味。另外 $18 嘅「牛舌」都可以，只係略嫌焦咗啲。最特別係「雞子」，唔知幾錢，但係好爽，燒得好鬼正。食串燒就點都要有啲嘢飲吓，我叫咗 $10嘅「王老吉」，道歉哥叫咗 $8 嘅「可口可樂」，味道上就冇咩好講。而道歉哥喺隔離蔡記買咗碗酸辣粉，都係可以坐喺度食嘅，算係多啲變化，又可以飽啲。埋單 $157，唔貴嘅價錢。。。（地址：佐敦吳松街98號地下C號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #佐敦 #柯士甸 #佐敦串燒 #豬腩肉 #雞肉 #羊肉 #豬頸肉 #牛肉 #煙肉腸 #牛舌 #雞子 #王老吉 #可口可樂 #1am1272 #1ambackup
继续阅读
❤門面乾淨，食物都擺放得好企理，要搵岩自己心水既食物，真係花多眼亂，仲有小小夜市既感覺! 店主都好熱情推薦，佢地主要由晏就開到凌晨，所以幾餓都好，都一定有野食! 串串都係由佢地人手處理，自家秘製沙爹醬同燒烤粉🥰由師傅每日新鮮整~夠哂惹味可口!😎🔥全程都睇住師傅，一串串咁人手反轉燒，絕對係有心機，唔會一黎就大大燒，是旦加熱，而我最愛既野食有😉燒魷魚鬚$18 ❤鮮味十足,配酒一流燒秋刀魚$20 ❤一D苦味都冇大大條金黃香脆鯖魚 $30 ❤又係大大條得黎冇骨啖啖肉!台式香腸 $10 😍肉汁飽滿雞全翼 $16 🤤外脆內嫩好juicy雞肉$13 / 豬頸肉 $16 / 豬腩肉 $15 😈佐飯一流雞腎$15 🥳夠哂有咬口!煙鴨胸 $15 🤪非常厚實 口感一流茄子 $26 / 冬菇$15 😉無敵!
继续阅读
📍 佐敦串燒 (佐敦)佐敦吳松街98號地下C號舖不嬲都話廟街多美食小店，因為呢度好多横街小巷，有好多臥虎藏龍嘅餐廳。今次介紹呢間串燒小店，見佢外賣單不停出，就知道食物應該有返咁上下質素。今晚睇完戲，想買外賣返返屋企嘆，經過見到唔使排隊，就入咗去外賣😆😆😆😍✨有得揀辣度 而我就揀左小辣。👉茄子 💰$15😋😋😋😋.3/5燒茄子永遠都係我食串燒必點之物💖‼️有原條燒茄子，但我揀咗串燒版本的。第一次食串燒茄子，咬落去係係好厚肉，好有汁感，串燒食又方便，推薦！✨🌸👉翠玉瓜 💰$15😋😋😋😋.5/5好新鮮，翠玉瓜燒完都仲有汁係入面，係瓜嘅甜味呀😍😍😍👉四季豆💰$15😋😋😋😋.5/5老闆娘推薦四季豆，一年四季都吃得到的四季豆，口感清甜、富含營養且低熱量，絕對係一款健康的豆屬蔬菜🥬串燒四季豆清甜多汁😍正👉秋刀魚 💰$20😋😋😋😋.8/5串燒店有秋刀魚食真係好少見，燒既時候係原條燒，好細心上碟會切開幾舊，加啲豉油同檸檬汁，完全唔腥，仲有魚肉既鮮味🐟🐠👉雞肉💰 $13😋😋😋😋.5/5新鮮雞肉燒出黎特別唔同，唔止多汁唔乾唔鞋肉質仲好有彈性😍😍😍👉燒韮菜💰 $15😋😋😋😋.5/5燒韮菜都係招牌，燒得恰到好處。回頭: Yes!! 🈺️營業時間係下午五點到凌晨三點，唔單止開得夜，質素仲唔差!! 呢度所有嘢都可以揀大中小辣，而且佢個秘製沙嗲醬真係靈魂之作，將啲串燒提升到另外一個層次呀！🤭😍💖 全部串燒都處理得唔錯😍👍🏻平時食串燒，最怕燒到乾柴柴，或者唔係生燒好似炸出嚟咁🥹呢度完全無呢啲問題🩵
继续阅读
今日工作都比較忙，收工都成七點仲未食飯，返到屋企嗰頭都已經八點鐘，可能天氣熱所以個胃都好似飽飽滯滯咁，我哋兩個都食唔得太多，諗住買外賣返去食算。正當睇緊食邊間個陣，另一半好開心同我講佢見到有個明星食緊野，咁我哋梗係八卦走去望啦，一睇原來係近期知名度高嘅大台演員徐浩，佢係一間串燒店前面一路食緊嘢，一路接受訪問非常貼地。除此之外都發覺好多人食緊呢一間嘅串燒，咁我哋諗都唔諗就要試下啦，話晒都有明星幫襯，水準一定有返咁上下。另一半睇緊訪問期間，我就走去嗌嘢食，由於座位有限而且天氣熱，所以外賣就算。咁見到佢個餐牌有好多選擇 ，大約都有成四十款食品而且價錢唔貴 ，性價比相當高。不過，吸引我嘅注意就係佢既招牌炸大腸~~~ 啊!!! 選擇困難症又出現啦，花多眼亂下，最後揀揀下都叫咗成十串真係大滿足。喺中途見到有好多食客都必定點炸大腸，咁我當然唔執輸都點左兩串。喺等緊嘅過程都留意徐浩訪問，又真係幾有型、幾有男人味...... 等咗大約15分鐘終於搞掂啦~ 搞掂啦~，所有食物都已經處理及包妥好，我哋只好告別徐浩，搭的士返去食餐好嘅。返到家第一時間餵寶貝食飯後就到我哋開餐啦。一打開個盒寶貝已經望過嚟，梗係啦香噴噴嘅串燒，加上香濃嘅沙爹醬成件事就好完美。不過，我哋當然第一時間當然食即叫即炸嘅炸大腸先啦 ，入口嗰陣時仲好香脆，賣相一流份量足夠，佢處理得好乾淨唔會有騷味又煙煙韌韌好出色，再配合甜醬及芥末，好值得推介。其後，二話不說就即時開罐冰凍嘅啤酒慢慢享受其他嘅串燒。首先墨魚丸有三粒，佢燒得香噴噴，外脆但入面都非常彈牙都好新鮮。台式香腸，佢唔同一般嘅司華力腸或者廚師腸，台灣腸有個特色就係甜甜地，佢燒得外皮香脆，而入面有少少肥肉甜甜地，食入口嗰陣時好香口，口感無得頂。之後到海鮮系列，燒魷魚鬚賣相好吸引，老闆好有心機處理好，切好一粒粒容易入口，燒出嚟非常香口而且爽口彈牙，非常滋味。到蔬菜系列啦，佢所有蔬菜都好新鮮，佢嘅翠玉瓜燒出嚟好香口，入面有水份唔會好乾身，非常爽脆。鮮冬菇亦都好好味，唔會乾到扁晒而且水份仲好高，外面好香，入口菇味香氣四溢。四季豆亦係每一條都好平均賣相吸引，燒出黎香口亦保留原先嘅爽脆口感，蔬菜都好驚喜。最後，到最期待嘅肉類，另一半因好鍾意食雞軟骨，所以我漸漸地都愛上，佢呢啲雞軟骨都好大粒，而且粒粒爽口非常都好開胃。及後到燒牛肉，牛肉非常嫩滑，而且牛味好香濃性價比高。串燒雞肉的肉質好嫩滑，燒到外皮脆口，但每粒都有豐富嘅肉汁好香濃。最後到豬腩肉，淨係睇賣相都已經必點，佢係五層肉好有層次，由肥到瘦肉都好分明，入口油脂豐富，非常香口值得推介。整體上所有串燒都保持高水準，最重要配合埋自製嘅沙嗲醬，味道又高咗幾個層次。我哋兩個嘆住啤酒慢慢食，真係最佳享受，人生嘅小確幸可以好簡單。呢餐飯$200蚊都唔駛，性價比高之餘加上徐浩都有食，咁當然極度推介啦。
继续阅读
📍佐敦串燒(佐敦)佐敦吳松街98號地下C號舖今晚等埋個朋友收工食飯，等到啲食肆好多都關門，落完雨涼涼地，就去坐街邊食串燒啦，行到嚟呢間串燒店，門口放住各式各樣燒物，多種選擇，新鮮又乾淨，就比佢吸引住，唔覺意就揀咗一大堆營業時間係17:00-03:00，啱哂啲夜鬼🤭🤭🤭👉韭菜 💰$15😋😋😋😋.5/5串燒中不二之選，呢個有吃於平時食開嘅乾身，呢度燒到唔會太乾，咬落去仲有菜汁唧出嚟之餘，再配埋秘製沙嗲汁，係食唔停口☺️👉茄子 💰$15😋😋😋😋.3/5第一次食串燒茄子，咬落去係好有汁感，同平時食開原條燒好唔同，一定要試👉翠玉瓜 💰$15😋😋😋😋.5/5好新鮮，好有瓜嘅甜味👉鮮冬菇 💰$15😋😋😋😋.5/5唔會燒到乾身，好香菌味，咬到去有菇汁咇出嚟👉秋刀魚 💰$20😋😋😋😋.8/5小有串燒店有秋刀魚食，呢度有就唔可以放過，切開幾舊，加啲豉油同檸檬汁，帶出咗魚鮮味👉雞肉💰 $13😋😋😋😋.5/5見佢擺出嚟個樣唔太吸引，燒完出嚟咬一口落去，雞肉好嫩，配埋沙嗲汁，對佢改觀👉豬頸肉 💰$16😋😋😋😋.5/5呢個又係超好食，燒到外脆肉軟，肉質有口感👉牛舌💰 $18😋😋😋😋.5/5外表不被討好，但食落就知佢咩料，好重牛味，好有口感，係好好味👉魷魚鬚 💰$18😋😋😋😋.5/5燒到啲邊邊位燶燶地，好脆好香口，又煙靭又鮮👉炸大腸 💰$16😋😋😋😋.8/5等緊串燒期間，聽到佢炸大腸個啲滾油聲，又比佢吸引到，忍唔住叫兩串嚟食，炸到外脆內軟，唔會太乾身，同埋無個陣豬屎味回頭：yesyesyes,呢度同平時食開嘅串燒好唔同，平時食係灑辣粉之類，而呢度係配秘製沙嗲汁，辣辣地，非常惹味😋😋😋
继续阅读