咕嚕咕嚕

营业中

休息中

【油尖旺区】【咕噜咕噜】之前都介绍过尖沙咀诺士佛台嘅一间楼上酒吧，𠮶阵时见到有另一间都好吸引，今次就想试埋呢间。上次系同皮蛋哥饮，今次就同真正哥饮，两位都系非常熟悉酒吧文化，教到我好多嘢。去到见到原来佢里面装修都好靓，充满日系风情，度度都系打咭位。饮嘢期间都食少少嘢，我哋首先试「串烧组合」，有羊肋串、南部鸡鸡髀肉、墨鱼香肠、日本厚油扬、日本青椒仔，五串都各有特色，唔错。跟住试 $88 嘅六件「风沙咸蛋黄炸鸡」，啲鸡劲嫩滑，咸蛋黄味又香，仲大大碟，酒吧小食嚟讲算几有惊喜嘅。跟住讲戏肉喇，就系啲嘢饮。真正哥试 $78 嘅「Dry Martini」，摆到明向电影《国产凌凌漆》致敬啦，佢话酒几浓几香，系出色嘅。我就试 $45 嘅「Lonely Walker」，系新鲜杂莓加柑橘，配上姜啤嘅 mocktail，我觉得都几正，果味好香浓，估唔到又几特别㖞。。。（地址：尖沙咀诺士佛台10号腾龙阁4楼）@gulugulu_bar#1amfoodie #foodie #hkfoodie #thatfoodiething #hkfood #food #instafood #yummy #foodlover