極上冰室

营业中

休息中

【油尖旺区】【极上冰室】尖东呢边啲餐厅转变得都几快，所以我呢个「1am红馆」系列其实长写长有。最紧要嘅一点系呢件事曾经得到过女同事嘅鼓励，即刻唔需要再讲啲乜，踏踏实实做好佢。嚟到漆咸道南嘅呢个位，之前系「爱上米线」嚟，某个情人节同经理哥食过，都好耐喇。而家变咗呢间冰室之后，就好似近代嘅装修设计咁，光猛得嚟带啲 cyber 感。我唔理啦，我都系入嚟食嘢嘅啫，睇某个网站见到应该系宣传过，不过我就自费嘅。平平哋叫个「常餐」，本身想叫沙嗲牛肉点知卖晒，雪菜肉丝都冇晒，唯有食佢哋啲叉烧啦。个 $58 嘅「蜜汁叉烧汤公仔面」，啲叉烧坚靱过我对女同事嘅爱，酱系几好但几鞋口。个「火腿奄列」唔差但唔够热，加 $8 嘅大「菠萝油」中规中矩。餐饮我加 $3 饮冻「香滑奶茶」反而可以，好过晒啲嘢食先。埋单 $69，非常平庸，可能食唔正佢哋招牌菜。。。（地址：尖沙咀漆咸道南41-45号其士大厦地下D号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #food