榕記陳皮燒鵝 (首都廣場)

营业中

休息中

【油尖旺区】【榕记陈皮烧鹅】同朋友食饭，为咗做好 1am红馆 呢个系列，我又去返公司附近食。上一次讲尖沙咀餐厅系讲榕哥烧鹅，今次就讲不远处嘅榕记烧鹅，两间个名非常相似，但系一间走小菜路线，一间就走茶餐厅路线。我记得好似系榕记开先嘅，但系我就放佢喺后面先食。唔紧要嘅，都系咁样照食。朋友本身想食烧味濑粉，但系点知佢哋晚市唔煮面，净系可以食饭。朋友就叫 $58 嘅「叉烧饭」，佢有畀啲叉烧我食，我觉得佢哋啲叉烧嘅肥瘦控制得几好，弥补到本身酱汁唔算特别嘅缺点。佢加 $3 饮「冻柠茶」，正常水准。我就食 $80 嘅「乳猪双拼饭」，双拼加 $10 拼「烧鹅」，再加 $12 要只「咸蛋」，佢哋个乳猪麻麻哋，烧鹅切到骨多过肉之下，味道都未见突出。加 $3 饮杯「冻柠茶」走甜，味道正常，埋单总共 $166，尖沙咀嚟讲算对得住佢相对平庸嘅质素，系咁上下。。。（地址：尖沙咀漆咸道南61-65号首都广场地下5-8&22号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delic