第三站

【油尖旺区】【第三站】同事离别在即，我都好唔舍得，因为难得有位同事我觉得佢系明我谂乜，而且我都系明佢谂乜嘅。之前我被公司某啲同事误会，难得佢都保持到心境澄明，仲好精准咁指出佢哋思考嘅盲点，令我都老怀安慰，离职都系好事。一边讲公司嘅根本问题，一边就一人叫咗一个 Tea Set，不过其实都系 share 食，唔使分边个叫边样喇。首先系 $62 嘅「芝士蛋糕」，佢系偏向油少少𠮶种，味道都唔差嘅。另外仲叫咗 $62 嘅「蜜糖鸡翼配薯条」，都几唔错。套餐本身配一杯 $38 嘅饮品，可以加钱补差价换贵啲嘅饮品，我就加 $20 换杯叫「特首」嘅花茶，有马鞭草、金盏花、欧薄荷、柠檬草，话系增强心脏功能，提神镇静紧张、消除疲劳、降肝火㖞，味道正正常常就算喇。同事就加 $6 叫咗「榛子朱古力」，佢话味道都正常嘅，唔会难饮。加埋一张单 total 就 $165，都系情理之中嘅，始终喺旺角要揾一间 cafe 可以坐吓都唔系易事。而佢哋都系提供到一个舒服嘅环境畀客人，就冇咩好挑剔喇。。。（地址：旺角洗衣街39号金鸡广场25楼08-09室）#1amfoodie #foodie #hkfoodie #thatfoo