鵬哥清湯腩

营业中

休息中

【油尖旺区】【鹏哥清汤腩】喺旺角东站行去麦花臣𠮶边落桥位对面有个舖位，开咩餐厅都冇乜好下场，我哋一直都有留意开佢。最近佢哋转咗做一间清汤腩，我就一条友走去会一会佢。入到去发现佢个模式都几「大陆」，不过呢样嘢系大趋势嚟，我都唔会理会，照样坐低叫嘢食啦。首先食 $62 嘅「清汤崩沙腩粗面」，佢哋解释崩沙腩系「牛腩中横隔膜连著瘦肉层层相间的部分肥瘦适中口感很软肉味浓郁」，喂，「浓郁」下话，呢度香港嚟。啲崩沙腩系唔错，不过个粗面好似冇煮过咁，夹几吓都唔散开，都几黐线，我完全接受唔到。之后 $19 嘅「生菜加腩汁」就可以，叫多碗 $43 嘅「净紫菜四宝丸」，紫菜、鱼蛋就多，鱼片、牛丸、墨鱼丸得一件，味道仲要一般，想点？嘢饮我加 $3 饮「冻柠茶走甜」，味道正常。埋单 $127，间嘢接近冇冷气，早走早着，反正唔会再帮衬。。。（地址：旺角亚皆老街88-96号利丰大厦地下A及B号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #t