泰斗 (中達大廈)

营业中

休息中

呢间泰菜餐厅几年前我喺尖沙咀返工成日都黎食 lunch，隔左成5年都仲喺度，应该都 ok 先可以喺尖沙咀开咁耐，今日同朋友去食晚餐，睇吓喺咪仲keep 到水准。8点左右去到，竟然都仲咁旺场。冬荫功大头虾汤 (细) $158，2个人每人都饮到3碗左右，份量都算十足，味道唔太辣，迎合番香港人口味。柚子沙律，系好味但有 d 失望，$108 只有柚子，虾仁都无，宁愿食小食更划算。马莎文咖喱牛坑腩配薄饼 $188，正常发挥，份量偏少，薄饼拼埋应该只有一块7-8吋圆形，少得可怜。最后叫左杯芒果莎冰，有新鲜芒果丝，味道清新，解腻一流。好大杯，两个女仔 share 饮就啱啱好。