泰國小泰飛菜館

营业中

休息中

今日老佛爷无咩胃口，本想去食碗泰式汤粉，行到中途见小泰飞，见门面都几靓又系泰式野，就入去试吓先。内里比较细少，数张折枱拼埋，可坐8至10人，尚算企理。看看餐牌，价钱觉略贵了点，以价钱论，该可去较高级和环境好一点的，有套餐的，价钱还算可以。冇咩谓口，就求其散叫两味，【泰式猪颈肉生菜包】，【虾酱炒饭】。生菜包上枱第一感觉，依...嘟几大碟吓㖞!!侍应话吾够菜仲可以添架!老佛爷大赞!猪颈肉好好食，酸酸咪咪，炒得有镬气，即时开谓返，最尾肉多吾够包，要添菜。而个虾酱炒饭不过不失，几干身几香，但欠虾酱味，饭不油腻，反而香肠好多油，一咬好多油吱出，总计不错。见隔离枱有甜品送（其实人家是套餐才有），老佛爷又扮傻问老板: 系米有甜品送破?!点知老板娘真系话有，好nice话 :有有有，咁都比老佛爷咋傻纳福，送了两客香芋西米椰汁糕，好好味，又香又甜又美味。因初初无谓口和觉贵下，没有叫饮品，埋单14x,人均75蚊，但睇翻份量和屈了甜品，算系咁喇。p.s.: 老板娘好似几nice, 试吓扮无知问（系米有甜品送架），看看有冇惊喜🤣🤣🤣。