影片
更多
2023-05-06
1002 浏览
【深水埗区】【四季冰室】深夜时份一个人喺深水埗揾嘢食，平时谂起可能会食嘢嘅地方都闩咗门。而喺𠮶个时间，直头系连西九龙中心都已经十室九闩，因此个选择都系得返「见到𠮶啲」，见边间仲著住灯就系𠮶间，咁就嚟咗汝州街呢边望吓。呢头仲有几间嘢未收，最企理嘅就系眼前嘅呢间四季冰室，所以就走咗入去。入到去见到啲宵夜餐唔太吸引，于是就叫返「招牌特餐」算喇。而侍应见我要特餐，都好心提醒我当刻已经冇晒沙嗲牛肉，不过就有鲜牛肉嘅。咁就嚟个 $48 嘅「忌廉鸡汤鲜牛肉米粉」，清清哋几好，感觉够健康。个「北海道3.6牛乳炒滑蛋」略嫌唔够滑，有啲麦当劳 feel，块「火腿」正常。加 $3 要「香脆奶油猪」，系好食嘅，加埋杯「热奶茶」成件事系几完整嘅。就咁就梗系唔够喉，叫多份 $40 嘅「粒粒金砖西多士」配「脆香恶魔炸鸡髀」，都系饮「热奶茶」。初初同阿姐沟通有误会，佢以为我外卖，所以收我外卖钱同 pack 好畀我，好彩我发现得早，即刻叫佢改返，先有得上碟咋。佢唔记得畀糖浆我，不过个西多有夹花生酱，我就咁食都觉得 okay。而只鸡髀就好似炸得多咗，大家睇图都见到佢系比较深色嘅，之但系咁嘅组合又绝对系对得住个价钱。食咗两
呢头仲有几间嘢未收，最企理嘅就系眼前嘅呢间四季冰室，所以就走咗入去。入到去见到啲宵夜餐唔太吸引，于是就叫返「招牌特餐」算喇。而侍应见我要特餐，都好心提醒我当刻已经冇晒沙嗲牛肉，不过就有鲜牛肉嘅。
咁就嚟个 $48 嘅「忌廉鸡汤鲜牛肉米粉」，清清哋几好，感觉够健康。个「北海道3.6牛乳炒滑蛋」略嫌唔够滑，有啲麦当劳 feel，块「火腿」正常。加 $3 要「香脆奶油猪」，系好食嘅，加埋杯「热奶茶」成件事系几完整嘅。
就咁就梗系唔够喉，叫多份 $40 嘅「粒粒金砖西多士」配「脆香恶魔炸鸡髀」，都系饮「热奶茶」。初初同阿姐沟通有误会，佢以为我外卖，所以收我外卖钱同 pack 好畀我，好彩我发现得早，即刻叫佢改返，先有得上碟咋。
佢唔记得畀糖浆我，不过个西多有夹花生酱，我就咁食都觉得 okay。而只鸡髀就好似炸得多咗，大家睇图都见到佢系比较深色嘅，之但系咁嘅组合又绝对系对得住个价钱。食咗两个餐，夹埋 $91，要谂返其实我系食咗二人份量。。。
（地址：深水埗汝州街243号地舖）
张贴
