素一素

营业中

休息中

【深水埗区】【素一素】呢几日大家都见我经常喺香港工业中心食嘢，因为过咗嚟做嘢。之前都系同真正哥食，今次就同春哥食，带咗佢落 food court 食，佢都话有几多选择。而我哋今次就玩吓新尝试，试吓食素。呢度有个 area 划开咗系食素嘅，仲写明系唔可以喺度进行荤食。我觉得呢个安排都几好，因为之前都试过几次呢啲网上嘅「世界大战」，就系讲荤食同素食嘅用餐位置嘅问题，而呢度就可以免却咗呢啲争拗，所以我话几好。咁呢个 area 就有一间素食餐厅叫「素一素」，都好受欢迎，座无虚席，个个都系食佢哋个套餐。我哋都试 $52 嘅「自选素斋套餐」，呢个价钱系三𩠌嘅价钱，春哥拣咗「麻婆豆腐」、「咕噜素肉」同「炒时蔬」，我都有食啲，味道都几好。个麻婆豆腐有少少辣，咕噜素肉个味都唔错，炒时蔬系炒菜心，啲菜都几靓。笼统啲讲，呢几个𩠌都几好食㖞。我就拣咗「包罗万有」、「金菇雪耳蒸水蛋」同「蒸素饺子」，包罗万有即系罗汉斋，炒得几好，蒸水蛋都好出色，而蒸饺子系稳阵地好食嘅。跟餐仲有「营养饭」同「莲藕汤」，都系健康之选。喺成日出街食嘅生活之中，呢个价钱可以食到呢餐饭都唔错嘅。。。（地址：荔枝角青山道479-491号香港