金園茶餐廳

营业中

休息中

【深水埗区】【金园茶餐厅】之前讲到喺蒙古做嘢识到香港朋友，佢知我做 foodie 嘅，所以都喺对话里面包含好多饮食嘅元素。嗱又咁讲吖，好多嘢都系讲吓是非嘅啫，呢啲嘢又冇理由摆上枱面讲，所以都系讲返我哋做过嘅饮食交流咪算啰，系咪。咁大家见到呢间系茶记嚟，就知我哋讲亲啲都系比较市井啲嘅饮食文化。香港呢个地方都系经历咗好多年嘅拼搏，加上民智上比邻近地区早发展，所以先有今日嘅𪸩煌。其实当年嘅平民百姓，咪又系由呢啲唔起眼嘅茶记养大。嚟到长沙湾呢间金园，都系经典嘅格局，不过感觉佢哋装过吓修，有啲新净。叫咗个 $45 嘅「全日经典面餐」，加 $8 转「香煎鸡扒面」，都几大碗，配菜仲有「火腿奄列」，不过整到好薄，只蛋略嫌唔够生、唔够滑。加 $2 转嘅「牛油多士」几好食，呢块包似样，牛油亦都好香。餐饮饮「热奶茶」，都系好饮嘅。之后用 $14 叫埋「鲜牛油菠萝包」，个菠萝油叮到硬晒，唔得。夹埋 $69 埋单，价钱可以啦，下次点都要食「酥皮蛋挞」至得。。。（地址：长沙湾青山道314号地舖）#1amfoodie #foodie #hkfoodie #thatfoodiething #hkfood #food