影片
营业时间
今日营业
07:00 - 21:30
星期一至日
07:00 - 21:30
以上资料只供参考，请与餐厅确认详情
入邊啲姐姐都幾有友善，會同我哋傾偈&介紹有咩好食。嘢食正常。蛋撻都正常（聽講幾出名），味道上有少少偏甜，唔係好夾我個人口味。整體都係一間唔錯嘅街坊茶記～ 經過可以試吓
继续阅读
搭6D專登過黎食早餐，真是一般茶餐廳，其實間間都差不多，但呢間有點貴，$49早餐，8蚊蛋撻，，沙牛面好咸，奶茶正常，蛋撻我無叫蘇皮，俾左曲奇皮，唔緊要照食，都係一般普通蛋撻囉，但唯一最好就係好乾淨，好整潔同光猛，又有多卡位，無太多客，可能閒日9:30 d人返哂工，總之無需專登黎食，食完都係覺得一般茶記囉😀，仲有呢間勁多熟客，個個客都大聲傾計，呢枱同隔離枱傾下，隔離枱又同前面台傾下，樓面兩個阿姐又傾下，好鬼有街坊人情味茶記，唔會食完急急腳走😄
继续阅读
睇完好多KOL 推介, 專登WEEKEND 黎TRY , 路經新華同金園, 決定今次去試金園先, 佢有2間鋪連住既, 一間新一間舊, 但門口都好多人排隊入舊鋪, 所以決定入新鋪唔洗點排, 入面環境乾淨, 燈光猛, 係坐得迫左少少, 員工態度好, 做野快同爽手,叫左蛋撻同沙爹牛面出奇地快, 先講蛋撻,新鮮出爐熱既 酥皮真係好厚脆, 蛋身亦都重蛋味, 成個口感都係厚實, 食果時要搵野裝住,再講沙爹牛面, 食到佢係有花生醬味, 牛肉多算多片, 真係冇令我失望, 大推各位黎食!
继续阅读
【深水埗區】【金園茶餐廳】之前講到喺蒙古做嘢識到香港朋友，佢知我做 foodie 嘅，所以都喺對話裡面包含好多飲食嘅元素。嗱又咁講吖，好多嘢都係講吓是非嘅啫，呢啲嘢又冇理由擺上枱面講，所以都係講返我哋做過嘅飲食交流咪算囉，係咪。咁大家見到呢間係茶記嚟，就知我哋講親啲都係比較市井啲嘅飲食文化。香港呢個地方都係經歷咗好多年嘅拼搏，加上民智上比鄰近地區早發展，所以先有今日嘅煇煌。其實當年嘅平民百姓，咪又係由呢啲唔起眼嘅茶記養大。嚟到長沙灣呢間金園，都係經典嘅格局，不過感覺佢哋裝過吓修，有啲新淨。叫咗個 $45 嘅「全日經典麵餐」，加 $8 轉「香煎雞扒麵」，都幾大碗，配菜仲有「火腿奄列」，不過整到好薄，隻蛋略嫌唔夠生、唔夠滑。加 $2 轉嘅「牛油多士」幾好食，呢塊包似樣，牛油亦都好香。餐飲飲「熱奶茶」，都係好飲嘅。之後用 $14 叫埋「鮮牛油菠蘿包」，個菠蘿油叮到硬晒，唔得。夾埋 $69 埋單，價錢可以啦，下次點都要食「酥皮蛋撻」至得。。。（地址：長沙灣青山道314號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #長沙灣 #金園茶餐廳 #茶餐廳 #全日經典麵餐 #香煎雞扒麵 #火腿奄列 #牛油多士 #熱奶茶 #鮮牛油菠蘿包 #菠蘿油 #酥皮蛋撻 #1am1199 #1ambackup
继续阅读
蛋撻迷主要分兩大派別：酥皮派 v.s. 曲奇底派。而我就撐酥皮，因為做得好嘅酥皮撻，可以俾到好多層嘅鬆化口感！🫠金園嘅酥皮撻係幾出色！但係，都有d飲食小tips俾大家！🤡1. 佢有兩間分店，建議食舊d果間(唔係食評呢一間🙊)2. 捕住佢有新撻出爐先嗌！熱辣辣食，個撻嘅狀態係最正！🤤3. 佢哋嘅奶茶好滑，茶味香濃，配酥皮撻，係一絕！😻4. 我通常星期六日，下午茶時間先會去。平時收工時間出撻量少，變相好大機會食舊撻！🤐
继续阅读