雲南風味過橋小鍋米綫

营业中

休息中

【深水埗区】【云南风味米线】呢排缺乏深水埗区嘅 post，夹咗道歉哥过嚟陪我食嘢，之但系大家都唔系话太好胃口，所以拣极都唔啱咁。我就顺便讲吓以前嚟呢头会食乜，点知原来道歉哥同呢头都甚有渊源，真系咁啱得咁桥。讲吓讲吓咁，即系食咩啫。我哋同时讲起呢间云南米线，都觉得佢几好食，我系好多年前由隔离 team 同事带我去食过一次，之后冇再食。咁又经过呢度，不如食呢间啦。就系咁，我就同道歉哥入去坐低咗。侍应话如果唔想谂的话，就叫过桥米线啦。的确系正中咗我嘅心扉，就要 $56 嘅「云南过桥米线（全套）」，唔问佢有冇半套咁咸湿啦。佢呢度嘅云南过桥米线嘅汤底、米线、配料系分开上，同过桥米线典故嘅做法系一样，食之前先至将配料同米线倒落碗汤度嘅。咁佢碗汤个汤底好特别，又唔咸又唔太辣，但系几香浓。配料方面都几足，有火腿、腩肉、鸡肉、猪膶等，又有韮菜、葱粒、生菜等等，啱啱好唔会太饱。虽然有免费普洱任饮，但我都系叫咗 $8 嘅罐装「玉泉忌廉」嚟饮。道歉哥就食 $47 嘅三味小锅米线「炸酱腩肉鱼蛋」，佢就觉得碗嘢 okay 但就系嫌佢唔够辣。反而我就觉得唔太辣就啱我呢啲弱者食，所以话呢啲嘢真系「百货应百客」。咁样夹