人和荳品廠

营业中

休息中

【湾仔区】【人和荳品厂】呢间嘢我之前成日食佢哋嘅旺角店，甚至 1am foodie 呢个名都系有少少启蒙自佢哋，因为我收工食嘢，成日都喺一两点呢啲时间谂起佢哋。而旺角店𠮶时每日都开到好夜，我又系𠮶啲中意食垃杂嘢嘅人，可以话系完美契合。话虽如此，我又唔算好积极话想食晒佢哋啲分店，始终个重点系喺开得夜、多选择度，同味道关系不大，冇乜必要要周围食佢。今次都系见个朋友喺度买外卖，作为一个八卦精，我又好奇吓究竟佢哋啲嘢得唔得，就去食返次。叫咗碟 $24 嘅「卤水豆腐豆卜」，即系卤水豆腐并卤水豆卜，两款都有得食，几好，味道都唔差嘅，略嫌呢次卤得有啲甜。跟住叫我几中意食嘅𠮶款 $24 嘅「鱼肉煎豆腐」，水准保持到，唔好睇豆制品嘅成本价就唔贵啦。嘢饮方面我叫咗杯 $20 嘅「朱古力豆浆」，又几得意，喺杯冻豆浆里面加咗啲朱古力味咁。而最后我有叫埋甜品先走，喺呢度就梗系食豆腐花，要 $24 嘅「花奶豆腐花」，一向觉得呢个组合劲夹劲好食。埋单 $92，咁食算系咁啦。。。（地址：铜锣湾渣甸街49号地舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：油