龍點心 (軒尼詩道)

营业中

休息中

【湾仔区】【龙点心】有一日喺会展站𠮶头揾嘢食，点知撞正演唱会，所有餐厅都爆晒，要行远啲食。行行吓见到到「龙心」两个字，我以为系三藩市某啲帮派嘅胶椅喺度大张旗鼓，仔细啲睇先见系「龙点心」。入去就要畀 $12 嘅茶位，真饮茶咁。叫完寿眉就叫嘢食，$68 嘅「一龙大满足」就啱晒我，有「酸菜鱼凤眼饺」、「蟹粉菠菜香虾饺」、「笋尖虾饺皇」、「松露野菌晶莹饺」、「咸蛋黄墨鱼烧卖」、「豌豆桃子」各一只，都好好味，美中不足系有一只系辣嘅。叫埋 $48 嘅「龙烧卖」，四款包括「怀旧烧卖」、「麻辣牛肉烧卖」、「龙虾汁墨鱼烧卖」、「卤水鹌鹑蛋烧卖」各一只，又系有粒系辣嘅，其他都唔错，几特别，又好食。而 $38 嘅「一口咸水角」好精致，味道上都几好味。最后叫埋 $68 嘅「宫廷三小拼」做甜品，「驴打滚」、「荷花酥」、「桂花糕」三者各有特色，前者更令我忆起林海音《城南旧事》嘅情怀，系值得食吓。一条友咁食法加埋一要 $257，不过我系食得有啲多，先系呢个价。。。（地址：湾仔轩尼诗道216-218号地下A&B号舖）#1amfoodie #foodie #hkfoodie #thatfoodiething #food